Pengawa begulai enggau pengerawan mega ti di asai laban nemu diri naka penyauh ari menua. Ukai nya ulih gusung baka kitai ti ulih berundang kasang ke Kuching- Simanggang. Enti enda berebutka penuduk beminggu sebedau berangkat sigi tau enda ampit penuduk deh. Ukai baka kitai bekerita betumpangka bas! Enti bejalai ngusung menua di kumbai urang menua dikeliling tanjung telaga minyak be tung tung benama Miri tu enggai enggai pan numpang kapal nadai layar besayap enda engkebab, kapal ti tau terebai baka geruna ngerenchah menua suah ngelantak gempung tugung gempuru anak remang. Nama deh, iya ga udah bisi penuduk ..engka tu meh ku munyi ensera didinga dibacha ti tau dikumbai urang betepanka daun limba limbi nyerang menua munsuh terengkah nadai bepenti! Tu meh kali ke terubah iya nemu enggau urang engketut duduk betuntut berentung siku, bediri besengki berimbas bau. Nadai ga rawan asai iya deh..enda baka ti engkining merening gulung tengiling ari puchuk rian. Ahhh enda lama agi datai meh tu di menua baru, menua injau igat bujang malu. Tak nyelai ga ulah, tak ka kemi enda alah tat..hmmm ..ku jaku.nguji kemi ari atas remang biru ngichaka manching ngerami kengka kampung buah ti di kelambung pansa..ngichaka tau galak agi bisi ga ditiki bala anak mensia! Ahh masuk gerempung kemi di atas remang meh tu, ku jaku..deka ninggalka bekau jari nanda utai ba jamban MAS tak nadai mai arang ga tu dehhh apai.
Bisi ga runding tak nikal ke menua laban ngenang bala kaban bukai enti nadai diberi tempat enda sempat enggau berami. Nadai ku enggau meh nya laban kitai sama udah datai ba simpang bepampang baka kerigai tulang keli belukang. Aram meh sama mansang. Melelat meh runding baka sempepat ngacha nerangka petang sinu ngenang bala dara bujang di Simanggang. Bah kemaia meh kitai ulih betemu baru nyurut besepu asap insap raja menuku? Tu meh gaya nasit aku ti ngenang diri sunyi nadai sulu mansang ngusung deka bekalala enggau menua baru. Asai ti baru udah angkat terebai ari palan landai Boeing besai di Kuching nyau ga datai terengkah betumpu enggau tanah menua ti suah dikenang ti selalu nyadi buah mulut endur kitai sebansa lenyau lesap belelang laban tebilang nama enggau pengeraja minyak enda kurang tambah mega laban siti sekula ti di kumbai Tanjung Lobang.. ahhh ila meh nilik mansik bakani ku menua tau bulih nama Tanjung Lobang..maioh lubang kini menua tu!
Nadai ga tudah aku terus niki nuju sekula baru laban ti di ambat serta di ambi tudah kaban, tanah petunggal aku Ambrose Buntu..terima kasih Minan laban ti bisi datai nganti penatai. I owe you one buddy! Ila meh enti tua bisi maya bisi masa nyuluk mesit buah rian ari puchuk sikup di menua belalai nyau ka di temu ini Ima!..Ila aku niki iya sekali deh..kapa belelai..agi rumpah agi regah tu deh! Udah semaya sida indai, aku lalu di bai iya ngusung lalu diau enggau siku tanah aki ti bisi ampit enggau urang bekerja polis di Miri. Ohhhh ku jaku..tak megai serta nyaga menua nyadi polis magang sida tu! Sgt. Sinyap, aki..terima kasih laban nyendiaka diri nyelitka aku ba bilik kita seminggu dua. Ahhh. ..sapa nya? Nya meh ku munyi tanya kangau indai tuai siku ari sepiak..."Sanu, Anak endu sanu ari Simanggang," ku tudah aki . "Apooooo agi ngelala aku nuan sanu...hmmm of course aku agi ingat..bala sida Jerry enggau Margaret ti udah enggau betemu di Simanggang, the Dusuns! Bala sida aunties , Nancy, Julianna, enggau Shirley pan naka pemanah. Ke biak sekali..ti dikumbai 'boy' tak agi mit amai..Bakani meh malas budi kita? Ngajihka umur panjai kitai tau ulih betemu baru jemah ila. Bala sida tu meh ti mai aku bekelala enggau pasar Miri. Ahhh tak lalu bedau ngusung Tanjung Lobang meh tu..nadai nya lari deh. Nya iya..nyau semak amai..ulih di sium pemanis pemasam angin Laut China Selatan!
9 comments:
amat tak sinu amat ka munyi karang nuan.....
GR, nya meh andal bisi ga ngesal; rindu bisi ga tusah ati. Mulut tuchum aja tang ngenang diri ti nyau jauh kediri hari bakanya berasai enda nyamai ga kitai laban maioh meh runding mangkung kerubung pala.
Mupuk dulu..
So nuan pegi Tg Lobang F 4 or F 6? What year nya?
Endu Puteri, I was there ari Form 4, year 1980 till the end. Happy reading au.
Enti munyi nya, udah mupok meh aku ari Tg Lobang maya nya! Heheh!
Tabi basa Aki,
Wah talk a lot ahh.. U really know how to blend the words nicely. I amazed by the story and the person himself!
Endu Puteri,
So, you must be Ngerong Balan's bacth lah if that's the story.
Uchu Qumang,
Is this the same 'grandchild' who seeked advice before? Welcome to my rather lengthy journey. These kind of things that can make or break a person..what molds a person..what shapes a person's attitude and thought process. When the good, the bad, the ugly, the beautiful collided, it became one intricate journey. I haven't got to the part..I came, I saw, I wouldn't surrender, I kept on crawling..Having said that Uchu I have acquired over the years the will to survive no matter if it's raining, storming, thundering, etc..
Happy reading!
Yup!!The same grandchild who always hunger for advice from ppl like you. Ur words like a bullet to my my heart and brain. When we talk to someone else with sincerity and honesty, the person will be touched. Yah! I touched by ur words.U know it better, dont u?
God bless!
Puteri,looking at your query posed at GT, can I say that you were one of those Tanjong Lobang students in one of those years? Which year was that?
My name is Henry. I studied in Tanjong Lobang from 1977 through 1980. Recently we had a small reunion at Crowne Plaza Hotel in Kuching. That reunion had given birth to strong desire to have a bigger one at the earliest possible convenience. Tracking down former students is one of my tasks. I hope you will pass this blog again. I can be contacted at hjnyaru@yahoo.co.uk Please do drop me a line or two to assist us in realising our humble hope to meet the former Kenyalangs.
Thank you
Post a Comment