Thursday, June 22, 2006

Ubah Randang Pendiau..Udah Nasit.

Pom tiga ku jaku esss nama aja pom tiga, but that's the way it was! Ninggalka kaban serambau sekelas laban di pasukka bala pengajar begulai enggau bala ti baru. Engka penyayau Mr. Nicholas Ansi and colleague meh tu. Folks, you guys just don't know how appreciative I am today! Tu meh bala pengajar ti tau dikumbai kitai 'champions' tajapan champions tu selalu dikena kitai mensia ngelar pemenang besai ba pengawa lumba enggau main. Aku, meranika diri ngerembaika reti jaku 'champion' tu ngagai pengawa ngajar! Mereti meh aku kebuah kita selalu ngeriput aku ngagai tudah indai maya kita betemu bebelika sayur tumu pagi ehh. I did what I wasn't supposed to do! Endang amat ngereja pengawa ti enda nitihka adat nemibiak sekula, tang kita pengajar meh ulih ngalih nukar pengawa kami nembiak ti dipegai kita ba sekula enggau chara ti betul. Meri besai terima kasih nuju Mr. Nicholas Ansi, Mr. Stephen Landong, Mr. Lagat Langi, Mdm. Leong, Miss Roselind Adam, Mr. Chai, Mr. Tay Jik Kaw, and Mr. Davy Nyelambau. Nabi basa proactiveness kita sebala. Enti enda pia, what could have been enggau what would have been..enda meh kitai nemu.
Tang meh maya tu udah nemu begulai enggau bansa bukai lebih agi bansa China laban udah sekelas enggau bala sida Kuek Ping, Law Eng Chai, Siew Khing, enggau sida bukai mega! Bahlah sekali tu kami dikurung begulai enggau kaban sekelas ti baru.Mimit aja kami ti Iban nyelat bala China pom tiga sekali tu..to the best of recollection..Jeffery Sigai(keri), Giles Kamar, Geoffery Stephen, Emlyn Jimbai, Veronica Suntai, myself, enggau Norela Marin. bala nembiak China ti agi dikingatka nama..Yew Teck, Sing Ting, Jin Soon. Bendar deka nikalka diri nguji ngeransingka tulang bejako berandau enggau bup geography enggau history, enda meh ulih laban ti alah laban pengagit ati deka bemain..tried just about anything, any game sampai nemu bemain bandat nya lapa!!!Haha..bendar mega kami bekeretukka gitar nguji kerepau key kunchi a-f maia tu. Empat iti utai di meruan ngerembang mansa kerubung pala maia sekula pom tiga ti bisi nyadi serta bisi ngubah pendiau anak timpang anak ampang siku tu.
Kesatu:"Enti nuan pil peresa pom tiga tu, peda nuan mua pintu kitai nya...blah blah bling..dia meh alai aku ngantung nuan enggau tali temeran," ku seradak nyawa kinggar bedenggar munyi ribut matahka layar perau bangkung besuar. Apoooo..sepiak aku tudah auntie Nora Tuang ketuchum laban nemu nya ukai bum sebarang bum, bum besai ukum meletup ninggang tanah berenyang. Aku tak nukung aja ba kerusi bangku gaga China deh..engkijap engkesap endang enda laban igi mata tak lekat nunga talibisin chelum putih nadai warna! Hahh..dalam ati din..enti aku di anjung ke Ai Ngelan ila nya meh aku..sigi ulih nitih bekau kaki bala sida nya ! Ukai nama deh nya, di anu urang tuai laban enggai belajar ditangkanka enggai tinduk laban nganti Siaran Langsung Mangkuk FA...Arsenal ngelaban Manchester United bulan lima ari Wembley. Tau di pasukka dalam bup kenang meh tu..laban siku Liam Brady ulih merunsaika Man U..Arsenal 2-0 tinggal sepuluh sebedau nyaguka mangkuk. Man U equalised with two quick goals..Lou Macari ti nyamaka iya 2-2 deh ahhh until Frank Stapleton scored the winning goal for Arsenal a minute later! Woowwwwwwwww!

Kedua: Temuai ti datai ngusung tak enda itung enggau tunjik kaki tunjuk jari deh. Kaban belayan enda ga ngira sida laban begusung bejenguk tu endang adat pengerindu enggau pengelengau kitai siku siku ke bala kaban. Lemai tu tudah indai bisi temuai jauh penatai-ari menua tasik nyemerai pasipik ku sida tuai kelia. Ehh tudah aku nama ti dikibuhka..junuk junuk masuk jempuk basah dibalut tanah luchak pulai melangkan
ari padang bol! Tama nuju bilik mandi assssapai ka meradakka nyawa nguji bakat tak enda nyamai asai laban bisi temuai- enti baka selama tu ehhh..enti bisi perais belagu ba bilik mandi endang bulih deh! Dalam ati din tak ngenang diri meh tudah aku- one step closer ngamatka renung tenung niang aki kelia! Di tanya urang bakani gaya enti belajar di menua Kenada? Ahhh nyau belalai nyerungkai bup geography nyilakka kar dunya ngiga menua nya? Kati asai menua nya? Ahh bakani meh gaya sida indu mem ti ku urang neh? Tudah indai mati idup ngetanka aku ngabiska pelajar din? What was so special? Why me, lapa enda anak urang bukai deh? Engka urang kasihka kitai kini! Runding nyau belanggar baka akar engkelait ti nyengkung melit baka sanggit empang raga!

Ketiga: Engka udah nasit laban nyawa digenggam petara. Ahh nyau melaling melunggang tinting mega runding. Nama kebuah tiap kali deka peresa ditinggang penusah bakatu? Tudah ini, laban ti nadai bepengerai, nitihka niang aki. Ngajihka seduai begulai baru meh ba menua tetap din.

Ke-empat: Ningaka ajar urang tuai pan kitai tau ditinggang penusah; anang agi enti kitai enda ninga. Urang tuai tuai, laban ti dulu makai garam ari kitai knew better tu endang bisi pengamat mega. Tiga hari sebedau peresa pom tiga..ahhh semina LCE aja nya deh ku bala ga. Nadai nama nama..enda ibuh belajar pass meh ila! Pama semengat kami sebala, tau amai di sabung ! One young lady really cared ngerara kami enda nyuruh kelalu balat bemain laban ti nyau deka peresa. Tudah Mildred puas ngajar/nganu kami ti kelalu deka bemain for a good reason. Sampaika udah semilan-sebelas(9/11) nyadi tu tadi bisi mukul talipaun irau ka aku! Thank you Mil. Only if you knew how much I value utai ti bakatu! Asss apai nadai ngawa nya ku bala mega..nurun nyenguk padang sekula peribit di belakang rumah Tuansipol din. Brandon Nicholas Ansi, aku, Giles Kamar, Geoffrey Stephen, Jarit Rajit, Amin Libau, Jilom Langga, Phillip Romeo, and Ninsin Tukang(joy) enggau bala bukai mega besipakka buah bol bemain ngelaban pangan diri! Lapan puluh peratus kami pom tiga, deka peresa, anak Iban ga agi, assssapaii.. Jampat baka kilat pambar tegar baka nitar utai ti tau nyadi; unggal Jilom besatup besengki betis enggau unggal Amin ngujungka unggal seduai iya nyau garing garing ngeliat engkakai betarit seput. Kaki unggal Amin patah! Sampai ke diatu aku ngesan ngema pengesal laban enti aku nadai numbit bol nya nyelepit alang alang bakanya engka enda tudah Amin patah kaki ngujungka iya dipasukka di sepital enda ulih tentu belajar maya deka peresa LCE;ngujungka iya beperesa ari sepital! He could have easily made it if it wasn't for that! My fault tajapan kitai ngumbai tu sigi gaya-endang adat bemain...endang amai bekechiping meh pengidup!

4 comments:

Unknown said...

Nyau tekingat kediri empu maya main bol lebuh kemaya agi sekula suba. Amat mayuh ulah ga maya main bol kelia.

Unknown said...

Tabi Gerubi Tuai,

Tak changka meh deka nyapa
tepeda ka GerubiTuai ba Pintu Dunya
Nya alai enggai lari dalam ati
Deka nguji nyangka sapa nama iya.

Enti enda salah
Engka tau aku nyangka madah
Ka terubah
Leka Nama BDFS Ribai manah

Laban ngasai nadai
Kaban bukai Agi Gerubi Tuai
ke udah lelang ngagai
Menoa USA Raja Ribai

Nuan nya bujang manchal enda ngasi
Agi sekula 'udah' bebini
Bak siti kolej di Miri
Taun 80 ngagai eighty three ?

Enti iya, jako tundi nya tadi
Jako rindu lelengau ka pangan diri.
Laban lama nadai ninga berita.
Lama enda betemu moa.

Enti nya amai nuan enggau terang
Kirum meh rita ngagai kami
Ke agi meruan di Simanggang
Sama agi gerubi mengkang steady


Ari aku ti bendar


Ngenan ka chura Bansa Dayak.
Semampai Ngemeran ka jako Iban.


Peresa Blog aku tu ;

Pengingat Lama Penemu Baru
(jbunyau63.blogger.com)
&
Tusun Peturun Ripih Tusut
(jbunyau_63.blogger.com)

and

web page
jbunyau.multiply.com

Tinggal ka pesan ba
'pemansut penemu' ke dia tauka
kirum ngagai e-mail ke bisi dia.

Lama nadai ninga berita ari nuan,
nya alai deka ngepun ka tali sempekat kaban nya baru…

Laban umor majak tuai nya alai lain agi chara kitai merening tauka ninjau reti bala kaban ti udah bekelala, begulai enggau kitai ngelamatu....

Pengingat lama ke dikunsi ka kitai leboh ke begulai kelia, nyau baka reta tengkira ke enda ulih dilekat ka rega agi, asai iya !

GerubiTuai said...

Guruh Roy..endang mayuh ulah agi nembiak..sigi gaya. Ari tu meh kitai ulih berunding ngeluruska diri ari pemingkuk pansa kerembang deka mansang, enda pia?

JB...akai dai chak assapai ku kitai kulap kulap tu baka pelita minyak dipansa buyah lari; deka enchelak baru dani hahahhaha..baru udah muka berita e-layar unggal King Kawi berunding laban mimpi nikalka black hole of Kenari ku Henry ahhhh. Nama berita kaban? Yuuuhuuuu anang guai kaban..Nganti Mr. Lawyer kitai Henry Joseph enggau bala sida P. Joseph betela besangka dulu. Selamat betemu dalam dunya siber kaban.Thanks for nyapa serta meri tabi basa chak. Endang true true nya kaban..those chapters of life live mengkang meruan nampung kitai belama. I will do so kaban. hehehehehe 'enda ngasi' heheh I like that...
Bah mupok enda lama..merejuk ngaitka akar tali nyengkar penemu baru nya.
Bah sama sama gerubi meh bala hahaha

GerubiTuai said...

Joe, bisi udah nyeliakka gambar..poohhhh bisi nuan ngentun janggut iya selambar pama meh! Manah Tok Janggut diatu? I wonder, agi ke enda iya nyangka aku nguluka nembiak ngereja penyalah neh!?! Enda tekenyit baka kunchit di emba kemayang, enda tegepang baka kumang digayap bujang aku kaban.