Baru udah entap asai diri nyau ga ngira diri mindah. Asai ti deka nyabak kisi kisi laban penyinu ati ngenang semua utai ti ditinggalka. Deka nyabak duie duie sebelah kaki lima alai diri ti suah selalu betanda tak malu enggai diketawaka bala sida endu endun indu dara ga! Nyabak ketawa andal tusah meh asai ati laban endang ngadang diri ngejang pegi belelang bedunju belangkau ba emperan baru. Ahh ku kenang ati ga..enti di anjung urang ngagai SMK Simanggang kedua kali nama Tiang Laju nadai ga bangat sunyi laban bisi kaban dikelala tambah mega Tuansipul sida dia tanah aya kaban diri! Apuuu enti di tikauka nuju St. Thomas aduhhh berasai betabi bekelala enggau menua Kuching ila, ku jaku ga. Perambu atur ti deka ngejangka menua Merika Utara kedua bali nama kumbai mensia Kanada udah mega digaga tang jangka aku semina nyadi mimpi tengahari aja meh dulu laban tudah indai berat rat enda nyagi..engka icha tau mujur tau nyadi di menua dulu. Siti meh utai ti udah nyengala deka nyadi; ninggalka bedau diri ba Munggu Sabun, St. Luke's Secondary School menua Simanggang. Nganti penentu enggau pemutus tu meh ti ngirauka ati laban pusin kuing penunga bedau temu!
Enda mukai mukai pemutus randang jalai datai di simpang betemu punggang! Ahhh nyamai mimit ga ati tajapan beraie ati ngenang bala pangan ti tinggal enda ulih enggau bekaling dudi hari. Beraie ka ambai sigi nadai laban sapa ti ka ke kitai ukai anak mensia, ukai anak tau ajih tau bulih petara apai sida iya, ti jai gamal makai rangka mati enggai, kitai ti ukai anak lansik anak bidik tau tilik...ohhh jara anak timpang anak ampang madu midang ku urang di menua deh! Hmm bula enggai nya wai ambai! Semadi ngenang pelaling tunjing sepatu chap bata bekau meragau di menua Melayu, Iban enggau China benama Simanggang bagi kedua ahhh. Mayuh kami sebala di engkah urang nampung pelajar ba Tiang Laju, laban sekula tu maya tu bisi Pom empat, lima enggau enam. Bisi ga ati deka nitihka bala, tang kati ku baka deh laban udah nasit udah selatan kitai! Engka ngelantangka ati tudah indai meh tu laban engka nadai agi duduk sebelah baruh kayu sepiak panggung wayang nundi urang mansa agi. Nadai meh tu agi belalai nginsap dalam seperis mensia ari Lingga deh. Nadai meh tu agi enggau bala anak mensia nyepan melangkan ba padang BLDC. Nitihka berita padah bala pengajar tak kami duai endun Jennifer Janang aja meh deka di anjung urang naka penyauh bakanya. Nyendiaka diri betabi enggau menua baru beserara enggau menua lama meh tu. Selamat pagi Miri, selamat petang Simanggang. Tu meh maya sekula ti kumbai urang Tun Datu Taunku Haji Bujang College endang agi beberita tebilang nama alai nembiak ari serata menua Sarawak ti bidik bulih result ti manah ba peringkat LCE enggau MCE nampung pelajar. Diri empu tak nadai kala ngasai diri lebih, enda mega bangat kurang ari urang...nadai nama nama deh. Nadai mayuh kelukih deh laban udah nasit , enda pia? And Tanjung Lobang....here I come. Ngarapka nuan nyambut penatai anak mit mesai tating lukit dara tuai; anak kurus lurus tengkering baka batang jinggau paya umai.
11 comments:
auk aa ngenang ke kitai ke nyau belelang ngiga penemu tauka ngiga pengaya pengeraja, nang sigi pedis amai ka ninggal menua diri empu, ka pen enda.
Enti enda nyau tinggal ga kitai laban orang, enda setuju nuan???
Auk a ngenang ke Tanjung Lubang, kelia maya agi nembiak amat ka amat ga indai aku nganjung ke Tanjung Lubang laban ke enda bulih meh enda di anjung orang.
Igat GR, bejalai enggau belelang tu endang sigi 'pengawa' kitai bansa Iban enti bekenangka iya, tang enti kitai meda enggau beratika semua bansa di dunya tu, bejalai enggau belelang tu udah nyadi pengawa besari sari. Setuju Igat, endang amat. Dini pan kitai, nyauh ni pan kitai, menua kitai mengkang meruan nyadi menua, enda alah buai...semadi meh menua dialahka serta diambi pemegai ti besai besai...say government, bisi nyadi di menua kitai din? Ya, lalu bedau neresa pemasam, pemait enggau pemanis Tanjung Lobang tajapan jalai udah dirandang..hahah.
Good day nuju kita.
Yo, Groovy, almost there! I've got my interpreters ready! A pic for you on my blog, with your old friend Edwin. How's the start of summer?
Podgee maam, yep yes maam..not quite there yet, few more kinks and I'll be there. Summer is hot, way too humid. Let me switch over to the newest picture. Thanks.
Bansa ke kala sereta terus megai kuasa di dunya nyentuk ke seharitu tu endang sigi bepun ari pengawa ke belelang tauka bejalai. Baka bansa Inggeris, bansa Belanda, bansa Sepanyol, bansa Peranchis, bansa Portugis, bansa Itali, bansa enggau China, sida bejalai ukai sengapa ngelelang ka diri. Tang sida ngiga dunya baru. Nyaalai bala kita bisi Amerika endor ngenduh; bisi Australia endor tepejuh; bisi Canada endor besawoh sereta bisi New Zealand alai beteduh. Tang deh sekeda kitai Iban kemaya haritu semina bejalai pia ngapa ke tanah Brunei. Leboh maya sida deka pulai sida minta kirum ke duit ari menua ke tambang bas ari Seria.
Ba penemu aku siko, sigi nadai salah kitai bejalai ni naka penyauh ke ulih kitai ngiga penemu nugong ka pemandai, nambah ka pengeraja ba bilik kitai. Nya sigi endang tradisi bansa kitai Iban kelia menya bejalai jauh ngiga penemu dikena idup, ngiga reta dikena nampung seput.
Tang kelebih agi kitai bansa udah bisi penemu awak ka dikena ngemansang runding enggau pemintar kitai napi ubah dunya. Utai ke timpang diperati ka aku ba bansa kitai ngelamatu ianya kuing runding kitai. Pemandai kitai ukai nadai. Sekeda ngelui ari enggi bansa bukai. Tang runding kitai enda sepenemu, berengkah ari tuai kitai ti bisi peluang enggau urang megai perintah datai ke nembiak redah di rumah panjai. Bah, nama utai ke nanggul kitai? Ba tinjau aku laban kitai sama enggai alah enti maya bejurai. Semua ngumbai penemu diri lebih ari enggi urang bukai. Nyaalai lebuh dibantah mimit kitai lalu enggai sejalai. Bah, lapa enda nyadi ke tambah enti penemu bisi enda sebaka! Awak ka mayuh agi dikena nambah ka endang sigi udah bisi. Tu meh sekeda ari utai ti nekul pemansang kitai. Aku deka meri chunto siti di baruh tu loagi ti tau nyadi ka pelasar penemu dikena kitai begulai ngadu ka ekonomi bansa kitai.
Kitai bisi beratus-ratus kaban tauka member Sarawak Dayak Graduate Association (SDGA). Ambi ka banding 500 iko. Enti siko ngeluar ka modal RM5000, semua dipegulai nyadi RM2,500,000. Enda pedis kitai ngeluar ka RM5000 siko laban mayuh bank diatu meri personal loan sampai RM10000.
Beli kitai sebaris lot kedai ti ngundan dua tauka ka tiga lot. Di baroh enggau tingkat satu disewa ka urang bukai ngambika dikena mayar loan bank. Ba tingkat dua digaga ka opis/sekretariat enggau incubator ngambika bisi opis sereta alamat dikena bala ke deka ngerisjer syarikat. Sekretariat nyadi ka pusat tauka liaison centre endor coordinate semua aktiviti entrepreneurship/keusahawanan sereta pusat sumber semua ahli. Tingkat tiga nyadi ka training rooms.
Ba penemu aku dalam setaun tentu kitai ulih ngada ka 10 tauka 20 iko entrepreneur Dayak. Nya baru kitai lebih strategik sereta sistematik agi dalam ngada ka usahawan Dayak. Diatu kitai semina ngati ka diri. Lalu dalam tiap-tiap gerempong kitai Dayak enda kala enda dikena nyadi ka platform politik. Tu ti nyadi ka pun penyarut laban penyerekang ati sigi tetap timbul udah nya.
Kaban, tu semina buah penemu aja. Ukai dikena aku mantai ka pemandai tauka pengelandik diri. Kabuah pia laban ati aku udah lama telih laban penyerekang kitai Dayak. Kitai semian banyak tai badak, mayuh tai nyumbuh. Dipeda mayuh tubuh tang nadai pemisa dalam semua utai. Aku sedar sereta nemu Kita ke macha jaku aku tu sigi lebih agi mayuh penemu enggau pemandai ari aku. Tang laban sigi adat maya ke bejurai sigi dibantai ukai ketegal deka luba-luba. Ukai deka chukak-chukak tinggi ari kita.
Pagila lusa kitai betemu bejurai baru ga kitai besilih ka penemu.
Mupuk aku.
auk aa ngenang henry joseph, amat munyi ko penemu nuan nya. nyu munyi ko jaku aku ta nadi leka jaku agi ninga buah runding nuan.
sigi amat munyi ko nuan nya, laban ta ngasai diri empu meh.
Henry kaban, endang amatnya kaban! I agree seratus peratus plus some enggau nuan senentang batang kenang nuan. Anang guai tuai..care if I call you tuai hhahahaa doesn't have anything to do with anything but tabi basa laban nuan my seniorlah. Kia meh kuing blog aku tu ila tang diatu semina deka ngelansa pemedis, pemerinsa, enggau penusah ti bepun ari diri empu ngichaka nembiak rebak baru ti bisi macha nemu nyeliahka diri ari pengawa ti enda menyana ti tau ngujungka sida iya tesungkur tesangkut maia mansang. Baka tua kaban, udah ngelui tekelanjur umur deka nikal pulaika simpang enda pia although tua ulih nyeling ka belakang every now and then. I started to blog sentiment ti munyi ku nuan suba tang berunding dua kali..enda nyamai ga nempegal nanjal najar puchuk aja..nyamai bepun ari pun sekali. Ya kaban, terima kasih laban bisi ngenataika langgu penemu. Doesn't matter kaban pandai enggau enda pandai kitai sama sebaka in my book. Tabi basa ka siku siku lumur satu. Nadai ngembuan nya tau ngujungka mensia angkun rangka serta begigit bekanitka pangan diri; endang meruan nyadi as we speak. Keep up the good work kaban. Ohhh by the way kaban, lalu bedau enggau urang masuk SDGA aku tu. Ahh enggai ke enda bulih masuk ahh lelak dikenggaika urang belama hahahah..betundi aja kaban.
Bah mupuk enda lama..nguji nyenguk blog Priscilla dulu. Nyau terit ga mata panas tu, umbas alai berengkah.
Hi GT, I get the gist of what Henry's saying-his entrepreneurial spirit is very strong and should be emulated. If only it can become a reality for many, no matter what race-enough of "bickering" amongst ourselves. Now's the time to progress...... I really enjoy blogging with you fellas. Cheers.
Podgee maam, yess maam judging his viewpoint..his entrepreneurial spirit is very very strong indeed, and I am not at all surprised. Ya lah bickering about these, that and some others have been the stumbling block to many things. Nah add a little politic to that memang no way jose. We leave that politicking to our Mr. Politician, Nyuak lah. Podgee, I really enjoy your poems, and of course, your blog!!! I wish Henry and the rest have their own blogging sites for us to enjoy. Haiya..can't find that Form 4A class picture lah. I got Form 5A's! Boleh copy yours tak?..from the magazine.
Have a nice weekend to you and family..
Hey Groove, sure will try to scan that form 4 pic of yours. I'll post it once I get that done. You know Henry has actually already registered his blog, it's just that he's busy writing all those lengthy comments on ours that he just can't get his own started! He's a real dear, great friend, though during schooldays,he used to scare me with his frosty stare! Minister lah! Check my blog in the next few days-should've your school pic up. But first, I need to administer first aid to aome of my plants.It's just so darn hot overhere that they don't look well... You have a great weekend with your family too! Tada. For now. Will be back.Hahaha.
Podgee, he used to scare the hell out of us!! We used to hide from him too! Yalah minister katakan..I wonder if he still uses his stare under oath? hahaha I know..the man can surely write..you too maam. He was and I know he still is a good guy. Thanks for the picture..in advance lah. Maam, those plants are like us..they get old by the minute like us lah..soon they tinggal roots saja. I have several rows of cucumber, watermelon, bellpepper and tomatoes in my very back yard that need constant shower too! Horribly humid here as well.
Later.
Post a Comment