Nyau puas bekenangka diri deka nginjau menua baru nyau ga datai maya ngusung tempat palan endur nampung pelajar. Ahhh nyau ga tama pintu penama sekula kelia menya di kumbai urang Tanjung Lobang diatu di kenang enggau nama Kolej Tun Datu Tuanku Haji Bujang. Nyau gining gining merening menua baru baka rusa ti baru masuk kampung tegenung genung baka kijang dipanchar Mujung. Nama meh sekula tu tak dikeliling enggau pukat betali besi ; tak dipagar empat besegi? Nyau kepuas puas bepejahka pemanah menua ti dibaris enggau pine trees nyau ga datai di Kenari! Kenari meh nama tempat ti alai tinduk diau betundi ngansarka kaki tiga ratus enam puluh lima hari, palan entap alai inggap bujang baru dikumbai freshies. Terubah iya meh tu diau kediri idup nengali diau di rumah sekula begulai enggau urang bukai. Kati asai ku munyi tanya dalam ati! Udah nasit udah selatan aku ngasai diri berekat ngempu nasit siku ari seribu diberi peluang bakanya.
Baru datai tak enda nyamai meh asai kitai laban menua nyau lain, mensia pan lain mega. Ahh ku jaku bisi mega urang ngusung, engka tau bekelala enggau sida ngambika nyadi kaling. Tuan bansal Kenari dua iku ti udah nyangkaika diri ba Pom Enam pan manah mega, nemu nyambut penatai serta ngatur penuduk kitai ..Terima Kasih besai Mr. Roland Radu enggau Mr. Wilfred Rogers. Tu meh terubah aku betabi serta betunga mua enggau siti bansa menua Sarawak ti tebilang dikumbai kitai Kelabit. Hmmm ni bala Iban deh? Engka benung di rantau jalai bedau datai kini! Nyau ga betemu enggau siku nembiak, Arthur Mujinil, bansa Kadazan! Pieeee untung meh begulai enggau bansa bukai ku kenang diri ga. Tu meh pun aku bekelala enggau bala kitai Iban ti datai ari St. Augustine, Betong ... Joseph Bunyau , Andrew Blassan Siang.enggau Inyau Bada. Ahh sebilik meh kami sebala deh! Haha datai ga bala nembiak ari Kuching, Sibu enggau Kapit, Zakaria Marzuki, niang Saiful, Dingun, Mustapha, enggau sida bukai mega. Hmmm rami meh tu ku jaku ga. Bala ti udah ngasai diau di rumah sekula nyamai mimit laban udah nyepi pemedis enggau penyamai diau kediri bakanya. Kami ti baru baru bendar meh matih diri nitihka urang deh..mandi nyau beranti anti ahhh sampai bira nyau beranti anti pangan diri laban enda chukup jamban! hahahaha ukai baka di rumah diri empu!! Makai pan nyau di suruh urang bebaris baka bala Sarawak Renjer ti deka nurun ngetan ka antara menua! Bisi dulu bisi dudi ..bala kami endang dudi belama laban ti agi Freshies ku urang. Enti lebih lebih lagi nyau jengkak jengkak bala seniors sekeda..enda semua ..elite minority aja '' hey hey you freshie..apa mauk lebih lebih..ingat terrorkah" Ngenang diri di makai ngena belakang sudu senduk temaga di suruh bala seniors sekeda..tu meh pun penatau bala nembiak sekeda. Lapa bakanya deh? Udah adat saum sempekat ku saut urang! Hmmmm enti kita seniors ila, your turn..bah lah. Nadai ga ngawa ku jaku ga. Udah makai akai daiii nyau gian ngiga semakau enggau betabah! Apoooo laban ti enda berani mansutka diri ari kerubung, nadai ga bala betungkunka insap. Kami duai kaban baru aku Joseph ahh..nyau enda alah tat , nurun ka baruh hmmm angin bau kesing nya nadai dikira deh..alah laban insap. Joe, dini tua suah ngelalaika insap? Hahahaha nobody will ever know! Laban ti ditemu siku dua nginsap, bisi ga seniors ti manah deka nyaga kami ti baru deh. Meri tabi basa serta meri besai terima kasih nuju Roland 'buntu' Umong, Chep Suring enggau Joseclyn Jimmy enggau Edwin Samat ari Kiwi..ehhh semua rumah sekula tak di beri nama burung magang? Ku sida seniors bukai, ..it will get worse before it gets any better.!!!! Aduh parai kitai...Bisi ga bala seniors bukai udah belalai nguji 'ngachau' bala kami bukai maya malam hari tang enda dikibuhka, dititihka aja.
Tu meh pun aku betemu, bekalala ,begulai betundi begagai enggau semua pupu bansa ari semua sukut menua Sarawak ti ampit benasit di anjung urang nyenguk Tanjung Lobang, siti sekula ti endur urang nyimpan ngandang nupi ngerami 'cream of the crops' -amai enda kini nya- ari pom empat ngagai pom enam. Sekula baru menua baru, tuansipol baru benama Adi Badiozaman Tuah, kaling baru..semua adat atur chara baru ulah anak mensia pan beribu macham mayuh leman pan baru! Ahh basah meh tunjik kaki aku tu deh laban ti udah nyingkang namaka diri masuk.
8 comments:
Great! Groovy-get going there....Will be following closely and enjoying whatever I can understand! My translator has gone missing for now..... keep it up; the names and places are all familiar! Happy days!
Podgee maam, slowly but surely..I used to say this..slow slow catch the monkey..and you'll see very very soon the danger of 'monkey see monkey do' too. I really loved Tanjung Lobang for many reasons. There are quite a number of ex-'Kenyalangs' around, and I seriously do hope they are following closely. Happy reading maam.
Hahah, me being one of them! Ok, I recognize Edwin Samat and Roland Umong.
Was Julie Lack your year? I know Julie.
My,thanks for bringing that name up Puteri- Julie Lack was a really good friend back then. 1 year, my jr she was and I remember her mom being a great cook. Last I heard she's was a magistrate in Penang. But she could be anywhere now! Must have been one year GT's senior then. Ha, can't wait for your stories-I must let Henry know this, so he'll be following closely too! Check out my blog for your photo. Give me a few minutes alright!
Hey Groove, sudah, done-checkout the class photo on my blog. You want the hostel photos too? Let me know,ok. Enjoy!
Endu Puteri, know the name but still blurry tu ahh laban iya my senior lah. Pia meh endu, anang enda nanya enti mansa ahh.
Podgeekat, thank you and many more thanks for the picture. I just hope my next and next and after that won't shock nobody because..just because lah. Ya please..the hostel picture too. Just email it to me if you wish..it's there somewhere.
Where's yr email, Groove? Mine's there too-podgykat@yahoo.com If I have yours, I'll definitely mail them pics to you! I'm off to post a letter and a couple of cds to your uncle Peter. Hope he likes them-I chose Jerry Kamit & Ernesto Kalum! Ta da for now.
Podgee maam, thank you for doing that for him..I know he will enjoy them. Them pictures are...ohhh my my my...hmmm good lah for this blog.
Post a Comment