Kelimpah ari utai ti dipelalaika, naka pemayuh mega utai bukai ti nyuruh ati rindang ati lantang laban tak nadai pungkang pengawa enggau pengerami di gaga serta di atur bala sida ti dipaduka nyadi tuai ngatur pengawa merindang enggau ngemandakka taun. Ari begagaka utai bakatu meh kitai mensia belajar, ukai semina ngatur megai urang tang ngintu enggau nyendiaka diri nitihka urang. Begerempung begempuru bebala mayuh tu enda udah nyadi darah dagin ari maya berangkat dara bujang sampai ke kitai udah berumahtangga. Ari perati aku siku, utai bakatu endang besai guna dudi hari laban penguing, penunga, enggau pemantup kitai siku siku ga agi begantung gitang gitang bedau betating baka jala; laban bedau entap agi ensukap jengap jengap baka juak merangap nyawa. Nya meh baka iya laban agi dikumbai urang anak sekula bedau beberita.
Ahhh ku jaku kelulu bala bebai duduk laban rindu meda cherita drama 'Si Tenggang' deh nama. Pama ga tudah siku kitai bansa David Bujang deh nama iya ti di titah 'Si Tenggang' datai ka iya nadai senayau tinggal bekau ninggalka Tanjung Lobang. Tu meh nama cherita drama ti megai titah champion dalam peringkat bagi ke empat 1980 laban pengarah iya bebakat tinggi semengat deka angkat benama Adi Badiozaman Tuah, tok janggut 'raja puisi enggau sastera' ku kaban sitan pendek aku siku. Tudah aku ampit mimit enggau ngujika 'bakat' ba cherita drama ribai ti di atur Miss Helen. Ka pan enda engkakai be akai daii laban tak di pasang nyadi pengabang samseng sungai engkabang deh! Assssapai iya ga tudah aku, Ali Omar enggau Nooruddin Liew betabi serta bekelala enggau pentas neraka palan mensia begigaka utai ti nadai. Pama mega bala pengajar ti baru udah nerima ketupi sagu ati empat besegi ti sempat ampit inggap nepan rangkang baka pipit burung empejurit ngiga sarang. Nyau tebelenang bekalih igi mata meda gaya linggang lingguk punggung bentuk bejalai nganyuk...apooooo...ahh tulah di ukum petara tu ila dek apai! What to do ..umpan ga nadai bebau; semina ngenyangka mata pama meh you!
Nyau kasak kasak bala mensia laban ti deka nyambut penatai rami Gawai. Orang Ulu Association begulai enggau bala nembiak Iban endang bendar ngatur pengerami Gawai deh di Tanjung Lobang dikena merindang bala nembiak ti enda sempat mulaika diri ke menua meh nya. Dunya maya tu kelia, enti enda terebai nepan daun limba limbi ti dikumbai mensia MAS tak nadai jalai deka mulaika diri laban pemisi ukai panjai, ulih itung jam enggau minit beberapa kali bepejam pejit kesap mata nyau abis deh. Nabi pengelandik bala sida dara bujang seniors baka sida Tang Bukok, Nyuak Bajok, Toney Kulleh, to name a few, enggau sida ti bukai mega. Taun Baru China, Hari Raya pan bisi pengawa merindang ati sunyi di atur bala. Tudah aki Gerubi tak nadai mayuh macham deh..nitih ka bala 'ngabang' neresa menua dikumbai pujut corner hahaha di bai Laing enggau Mikah Jok. Tak nyau gilai gilai baka madang melai nganti rebah ke tanah magang bala ehh. Asssapai tak nyau bisi kipas angin bansal sekula kenari di peda telentang! Nyau ga dibai bala tukang masak nyepi ai tuak aduhhhh ehhhh. Enti agi mit kelia tak butul tusu chap dumex deh; diatu tak nyau nuntum butul kuring nadai berambing deh. Tu meh pun aki Gerubi enggau mayuh, naka pemayuh bala tak enda piga iga betakar sampai meliur bubur mutah lapar. Ahhh betabi bekala enggau reti jaku 'one go langgak' ai tanak. Tu meh nyadi penyakit bala nembiak sekula dalam taun taun ti deka datai.
Malam ti seruran mai pengerindu nya di kumbai bala 'Talentine Nite' deh! Apooo pama bala nembiak Tanjung Lobang tu kelia enti di sebut belagu merindang ati. Maya pengerami bukai pan endang sigi bisi meh bala sida iya niki pentas awas pemerindang ati tu.. Bala sida pom lima ala sha-na-na betuaika Christopher ehhh pama deh lalu ditangkanka country flavour bala sida Baru Tai enggau Freddie Acho. Pama endang sigi pama; bisi amai di anjung tajapan nadai pirin chelum keretum ngerikut bala. Talentine Nite di empu tudah Cobbold Lusoi enggau lagu 'Papa' di gaga iya empu deh suba. Boleh tahan deh Ubod siku tu belagu di iring bala pemain band ari kem PFF.
Penatai Pom Enam baruh tu meh bisi ngubah pendiau mimit. Ahh ku berita ari menua, ari petunggal aku siku, madahka menyadi laki iya deka datai benama Jeffrey Ngelambai. Mayuh mega bala enggau begulai ila ku jaku..endang amai ga sangka. Bekala enggau mensia ti benama Nawan Luhat, Ngerong Balan, Mathew Dandi, Gay Ganya, Samuel Meliu, Anchum Melina, Yahya Suut, John Herbert, enggau bala sida bukai mega. Nyamai begusung laban sida tu di baruh perabung bansal Rajawali dikemataka tuai minsiter Henry. Apooo tak di suruh bala pom enam atas bebalut mua enggau tajung tudah aku..akai daiii bendar ngetatka kesuh bau diri laban tajung ti dikasam lama enda nyelam kulam telaga menua! Aduhhh haiii bakatu sida tu 'ngereja' nembiak ti baru baru neh! Mr. Henry, I must confess diri empu -enda underoath- ti guilty tajapan nadai ditangkap urang/pengajar! Guilty by association nya kini kaban?!? Bala nembiak pom enam baruh(urang lama) baka Ngerong Balan, Jeff Ngelambai, Vincent Rading, George Labo, enggau Samuel Meliu nemu tang enda bebunyi!
Bakatu meh gaya karang kenang perati cherita diri ti tau di bantah enti salah nyadi www.pengingataku dot kom deh. Bakani deh utai ti dudi? Ila ngeruk ila ngeremuk; ila nyagam lagi ngantam iya deh laban pejalai tu naka pemanjai mayuh bingkuk belengkuk liuk baka jalai antu kamba ti tau nyuruh tesat enselit sendat nadai pemantup.
12 comments:
Groovy, The talentime night, what memories! Someone just confeesed at our reunion last year that they were involved in the disappearance of the stage decorations etc because of anger at the "unfair" judging! I think some of the eveidence is still in that staircase somewhere in the assembly hall! Hahahaa. And you know what, the guys did a rendition at our reunion of the song, "cottonfields"-Baru Tai, Freddie,Ken, Tony,Gerald etc sang as good if not better! You should've seen them!!!
Confession time for some, I see!
Rindu ga ati macha karang nuan nya, Gerubituai. Kala ke mansa enda lama ingin ga ati nyelit ka mimit jaku dikena nimbal enggi nuan nya.
Nuan ga udah ngasai pejalai kapal layar pengidup nuan, dijangka aku tentu nuan diatu bisi ampit nyadi akim diri empu bekaul enggau pengidup kitai di Kolej suba. Ba aku empu empat taun di Kolej mayuh udah meri aku ajar ti beguna. Ari ke ngemata ka ulah bala kitai sebala macham-macham pelajar udah ulih ambi aku. Diatu mayuh ari bala ke kala dipeda aku suba udah nyadi urang besai magang.
Ngenang nama urang ke bisi kena pansa nuan nya, sida mega, dipelaba ka aku, tentu udah ngelala Kolej udah nyadi ka peputan alai ngambuh sida nyadi mensia ti ulih napi macham penguju dunya.
Ulah kitai suba enti bisi udah ngelui ari atur adat sekula endang sigi gaya kitai maya ngangkat ka diri nyadi mensia ti beguna jemah ila. Kami ka nyadi tuai kati ku enda trit bejalai ka adat laban nya sigi tanggungjawap kami ngambika semua bala kitai ulih idup enggau lantang nadai senika, nadai menawa.
Manah kenang nuan nya Gerubituai awak ka bisi dibacha urang ka rebak dudi ngambika tau nyadi ka lalau pendiau sida.
Mupuk dulu aku. Ila betemu baru.
Podgee maam, looks like it. I didn't do didley squat in 1980, merely a bystander who witnessed quite a bit of 'mischievous adventures'. That's the kid in everyone of us. Yeahhaa I remembered those talented bunch..we tried to follow suit, and we shall see what's up next lah.
Henry sir, endang gaya belayar kaban. Bula enti ngumbai utai bakatu nadai ngajar kitai ngidupka diri. Naka pemayuh guna utai bakatu..ari meda kitai udah ngasai; ari ngasai nyepi pemedis penyamai kitai bejalaika. Sepuh kambuh ari siku ngagai siku enda sebaka, bisi muda bisi tuai, nya meh penajam kapak beliung dikena berimbaka penentu menua diri, enda pia? Ngasaika pemerani enggau pemanchal serta penatau diri maya tu suba..akai daiii, nya meh kaban, nguji mansutka kenang engka icha tau nyadi batang titi semerang nembiak ti dudi. Ya... endang mayuh bala ari tu suba nyadi tuai pemesai menua diatu. hehehe puas mega 'belalai' ari kita ti nyadi tuai kelia neh hahaha...ila betemu baru ba renggat karang kenang ti bukai.
You folks enjoy your weekdays ahead! Another week another dollar, enda pia.
Apoooo... kaban! Christopher Ranggau kirom salam... ia madah 'Nama rita Dickson' :)
Amat munyi ko nuan nya Groovy, sepamanjai kitai ti belayar dalam pejalai pengidup kitai tu, bula enti nadai utai nyadi ke pengajar enggau pengingat kitai empu. enda mayuh mimit bisi meh. enda pia ia?
Igat Des, Akai dai...ba Upis Kepala Menteri enggau kita iya pia? Au manah meh berita "Dickson" diatu..kirumka pesan 'selamat bejalaika pengawa enggau naka pengelikun' meh nuju tudah Chris Ranggau ahh..Bedau(empai..in Rejang slang) datai ba maya kami ti begulai karang tu ehhh. Still ba watching enggau observing stage..empai 'doing' tu eh. Padah enggau Chris Ranggau ehh.."Dickson" ku iya nya nyau 360 degree nyelai diatu!
Guruh Roy, yes sir..can't agree more enggau nuan..bisi manah bisi enda tentu manah meh utai ti temu kitai.Nya meh ku aku, laban kitai tu baka selambar keretas putih ti puang alai kitai nulis ngukir cherita enggau ensera pengidup siku siku.
Regards to you guys!!
Apooo...ila aku ngasuh ia email nuan. Ia enda pecaya gambar tim hoki ia bisi ba website nuan until I showed him. Apooo.... ko ia, gambar aku ke hensem suba disimpan ba website ko...
Aik.. Ukai 180 degree turn ke Groovy? Kan 360 degree nya pulai ke endur asal mega enti diputar ke? Unless nuan nyebut nyau malek nyadi utai bukai ... hehehehe :)
Igat Des, terima kasih bisi nyangkaika berita nuju Chris Ranggau. You will find few more names tu ila ti/engka di kelala nuan enggau kita dia..hang in there. Kami menya sigi hensem keladi deh hehehhe..
hahaha lapa enda bebali nyadi utai bukai kini hehehe..bekalih enda ulih ga tu, nyamai bebali ehhh. Bisi ga maya mulaika diri hehehe..nya meh nyau ngumbai 360 eh. Ahh Igat, enda chukup leka urup 25 alpabit enggau angka kira lumur Roman enggau ngira serta ngeluarka iya.
Mupok enda lama.
GT, tasik pengidup ti kena pansa pejalai kapal pengidup kitai endang sigi begelumbang mayuh macham lelangan. Nyaalai sekeda kapal ke mit agi kadang-kadang tau karam maya alun lelangan ti besai mangka ganas nadai betagang. Tang sekeda kapal, taja mit, kelasi bisi pemintar napi ombak ti ngujung ka kapal nya selamat datai ba penyangkai.
Pengidup tu sigi baka pejalai jauh. Sededau datai ba pengkalan macham-macham utai ditapi sepemanjai jalai. Pemujur semina dikira lebuh maya kitai datai ba adan ti dituju kitai. Sepuh kitai ke suba taja ia empai tentu taui, chukup dikena kitai berimba ba tanah temuda. Tang enti deka berumpang kampung jerung sigi nadai jalai enti enda ditambah ka enggau batu ansah ngambika tajam nyemilu tisi. Pemandai sekula meh nyadi ka batu ansah nya lalu dikelembung ka enggau ulah manah.
Kira ka nangka tu dulu meh karang aku ditu. Pagila lusa kitai besulu baru bekenang ka sekeda ari cherita kitai suba lalu enti bisi awak kapa kitai enda bejurai ka penemu baru dikena kitai nyungkak ka singkang kitai begulai enggau bansa bukai.
Mupok dulu aku.
Henry, endang pama ga sepuh bala maya tu suba ari perati aku.
Tu manggai ba taun ke 26 dikira ari maya ngelengka ka Kolej suba. Dalam kandang maya nya bisi ga kala bepansa enggau sekeda ari bala kitai suba. Tang mayuh agi endang nadai kala enggau betemu. Taja pia rita sida bisi didinga ari sekeda urang bukai ke bisi enggau begulai. Enda ga aku berani nyimpul sekalika sepuh bala ke suba bisi pama ari ke bendar. Tang ba pekara ulah nyangka berani ga aku nyema.
Bala suba amat ga bisi tatau tang semina nangka nya aja; semina dikena bungah nundi pangan diri; semina dikena ngelepas ka ati gidan aja. Tang kemaya hari tu endang jauh bida; nembiak semakin kurang basa lalu penatau ukai semina nangka bungah aja, tang mayuh agi ditukar nyadi ka ulah ti ngasuh tusah.
Ngenang ka pengidup kitai suba timbul ga ati lelengau deka ngasai ka semua pengidup nya baru. Tang kati ku enggau laban kitai nadai kuasa mutar ka jarum jam nikal ke belakang.
Hello,
Manah amat karang nuan nya Mr Groovy. Pandai amat nuan. Creative amat.
Tu kira minta tulung nuan meh tu kaban. Aku ka minta nombor talipon handset tauka office number si Cobbold John Lusui. Ianya petungal aku ari apai aku. Selalu apai aku enggau menyadi aku bejako ke Bunsu Lusui. Anak ia nya Cobbold. Apai aku Tinngi anak Kusau. Ari kampung Nyelitak. Aku diau di KL maia tu enggau family aku. Anak aku 3. Siko indu, dua lelaki. Kak pen enda madah ka diri ditu. Awak ka nuan tau madah ngagai menyadi aku nya. Aku udah bisi maca projek Sawit ia. Cukup impressive! Engkirum salam ngagai ia enggau family. Ulih nuan meri aku contacts ia ? tauka ngasuh Cobbold contact aku?
Tu contacts aku:
Handset: 013 8542688
Email: mariaviking@gmail.com
Nama aku. Maria
Terima kasih.
Maria
Post a Comment