Minggu nelebaka diri bekelala enggau menua Tanjung Lobang seribu semilan ratus lapan puluh tu meh endang pugu pait pemanis pengingat. Tajapan semilan puluh semilan peratus bala kami ti masuk pom empat udah namaka diri serta ngambu sitak panggau penuduk peninduk diri empu ba Kenari dormitory; udah ngerijista diri masuk sekula, bisi ga bala ti laun datai..entah nama kebuah kitai enda meh nemu cherita mensia! Bendar meh asai aku diperak bala seniors..engka amai deka nengelamka pala kitai ba lupak kini..nadai nadai utai bahlah tak diperak urang bakanya. Hmmm 'terror' pia enti kitai bejalai begembar dua tiga iku ketuchum ketawa gaga udah bekelala nurun nuju bansal makai? Ku runding meh...engka enda kala ngelala utai ti dikumbai 'terror' meh bala sekeda! Kada kala ngasai enggau urang bebungkarka tayar basikal belalai di pasar sida tu? Engka sigi udah adat urang ditu kini?!? Ahhh ku sekeda ti nemu mimit..anang irau, sigi gaya iya..udahnya ila nadai sida bangat deka ngeluji nundi ngachau baka empeliau deh. Akai daii tak nadai beberi maya sekali; ari dani pagi datai ka tengah malam...seminggu nyau ga dua minggu..hmmm tak enda ngetu nemu badu meh sida tu. Nurun nuju kelas pagi hari pan di ipa bala nyuruh bejalai bebaris meresa pekaian masukka ruruh laluh pemanjai baju ke dalam! Bisi ga sekeda ti nyempelah nyuruh ngeruntun ngeluarka laluh pemanjai baju tu ari punggung! Tuck in tuck out tu nyau nyadi main. Lapa meh bala pengajar bangat enda ibuh neh? Engka bala pengajar enda nemu kini! Pulai ari kelas tengahari pan dititihka bala sida tu mega ngagai Kenari! Bisi bala sekeda nyau jengkak jengkak disuruh bala ngereja 'jumping jack' lalu bisi mega bala tak nyau meragau di suruh urang eksesais nganjil semin. Diri empu pan bakanya ga, nyau maioh macham pengawa digaga ti enda besangkut paut enggau pengawa sekula! Ahhh nadai ngawa, tat ka aja ku jaku ga. Malam hari nadai dikira agi deh..seminggu minggu merinsa di gaga bakanya. Enggai nyadi tu, udah ga jauh ari menua, berasai rawan takut ka bala seniors ..dini bisi nyamai pendiau deka belajar! Bala ti enda tan nyau meh mulaika diri ka menua! Tudah unggal Dingun lalu ngebuka diri pulai laban enda tan, seruran gisi gisi belai ai mata! Semadi benasitka siku pengajar ti diau betentang jenila enggau Kenari benama David Ford..Daud Kubu as we nicknamed him later in the year..ti seruran ngabas meresa Kenari enggaika penyadi utai tak baka api nyerarai enda alah padamka. Bala kami pom empat pan udah ngelala sida ti deka selalu ngachau ngerau nundi ngeluji, sida pom lima enggau pom enam tinggi. Anang mega saru macha laban semina mimit ari pemaioh mensia ti ngembuan ulah meri teladan baka tu! Yes sireeee..I remember all of you tang laban bala ti udah megai mangku pengawa ti tinggi tinggi di menua hahhahah enggai ga aku nyebut nama or maybe I should..laban there's antu in every so called saint! hahah save that for later lah. Ngenang kaban aku siku ti nyau enchekuk ngeruntuk laban di achuk ba perut baruh dada enggau buku lima laban enggai ngereja utai disuruh seniors ti balat deka ngachau belalai. King ..agi ingat nama sapa sida tu suba kaban? Hmm sampai di gerak urang disuruh bebaris baka askar melayu diraja ba mua dormitory Rajawali!! Ahh sapa ari bala pemacha nemu betanda baka nyamuk? Bala kami disuruh betanda baka nyamuk! Benasit bisi Henry...enti enda kada enda merayap baka baya ngelantar ngelaban madang lalang di belakang Rajawali ngena chawat chap krokodail bala mensia.Tajapan ngasai diri pedis enda nyamai bakatu bisi ga bala kami pom empat tu tadi di bai bala seniors ngelantangka ati sari enggai ba Luak Bay. Engka diatur bala 'Ministers' dikemendarka pengajar kini. Tu meh peluang alai nunu lempuang belalai sebelah selepak batu! Asss apai puas ngelalaika insap. Pemanchal endang bedau dibantaika laban enggaika diri diperinsa lebih agi. Indahnya ga , tak agi meruan ngesuh bau tai di Simanggang udah di 'warning' bala seniors kami ti baru bekalala enggau pangan diri. Nasit aku....
Ari pengawa bakatu meh kitai betunda tunda ngujungka utai betampung bundung nadai pemutus. Bebalas ku jaku ngujungka tundi nyau nyadi dengki laban penyelai kitai mensia siku siku. Bisi bala nya ringat, ransi, enda nyamai ati laban kitai mensia nemu ngasai ngembuan ati ti nemu sinu nemu saru, nemu telih nemu milih, nemu ransi nemu kudi sampaika kitai nyau enda berasai ngibun sempekat besemaia be ila asai deka bebalas dudi hari ila ti deka datai. Ku aku siku, this was very wrong from the get go, but who the hell am I to say so and to judge! Laban utai bakatu ukai semina tau ngelemika tauka ngeringka semengat siku siku tang tau nengelam ngaramka bangkung.. tau nerebaika pulung begasing bepulas uchung! Ari rambai pemansang pengidup, ari pemedis bakatu meh ngempung bala kami pom empat beyond imagination! Tu meh ngeringka buku kengkang tulang belakang bala kami ti dudi nemu bediri enda tumbang. OOOO haaa Selamat Datai tama masuk enselit nyelepit ke Kolej Tun Datu Tuanku Haji Bujang.
8 comments:
Aku bekanya meh digaga urang suba maya agi sekula. Udah nyau ka 2 minggu digaga urang bakanya amat enda tan aa. Tang kemayuh agi maya nya ba sekula aku menya, bala nembiak form 3, bala form 5 nadai entu ka ngacau urang semina kelalu ka beduan bebai main bol aja.
au ngenang ke nya tadi, laban kelalu enda tan tepaksa aku ngena "influence" bal aya aku maya. apa agi bala aya aku alu sound bala kaban belayan aku ke bisi dia ke enda kala temu aku wujud ba sekula nya support. enda lama udah nya dinga aku amat ta ambis bala nembiak form 3 kena tacak ke urang.
Lebuh maya masuk IPT ba Samarahan bakanya baru meh.
au, ngenang ke nya mega, diatu ambis utai nya sebut aku baru, awak sida ia ngasai enda aku ka beduli amat sekeda udah begawa besai. nya lapa deh bisi minta ampun diatu. Ukai dendam tang ngambi ke sida ia jera.
ngigat kenya baru enti nadai buli sekeda nembiak ia ke sigi enda merati makin enda mereti enti diajar bakanya.
The pics I promised, already OTW. have fun! Am enjoying reading! I honestly didn't know my classmate Mr Romeo was the mastermind behind that black hole of kenari! Thanks Henry for the info..
Podgee maam, I must confess that black hole of Kenari incident was nothing compared to what happened so many nights before and after. One night, I was among the few who were asked to cover ourselves--to hide our identities as fourth formers, freshies..and to watch those seniors did their things. They told me to do the same to future freshies! I felt really sorry for those who left because they just couldn't take the abuse any longer especially from the fifth formers...but we learned a lot though. It got physical several times too. Just keep on reading and enjoy them.
GR, very true nya kaban..enti semina beduan nundi nitihka patut enda ngawa. Utai bakatu nyuruh nembiak begedika pangan diri lalu sekeda nya nyimpan dendam sampai tuai. Hahaha influence aku suba laban ti jauh ari menua..insap..laban majority bala sida ti deka bully tu nembiak penginsap. I shared one the their habits lah. Aduh..ka pan enda..bedau maya nyebut nama sida iya kaban! Sebulan bulan pedis ahh..bemain ball ngelaban sida pom lima..aduh duh duh..nyau belaya! Ukai agi mit bala nembiak..nyau bebulu tau nyadi apai urang magang ahh..pengajar sekeda pan nemu takutka bala sida iya!
Mupuk aku..enda lama.
Really sorry to hear about the ordeal some of you had to go through. I'm never in favour of stuff where degrading/humiliating acts are committed. I can't stand stuff like that-if it happened to me, I would most definitely have fought back.... Groove, the pics are in your email. Happy July 4th to you and your family.
Podgee maam, now it's just tinggal kenangan katakan. Thanks for the pictures. I can surely tell a younger Miss Ivy. Some of the boys did fight back. Where were the teachers..that's what I want to know..because some went to Adi about several incidents! Sixth formers weren't that teruk, but some of the fifth formers aduhhh!!!That first week taught us so many things though. To me it wasn't humiliating, but to others ahaha sure it was. It made some of us great creators of many things beyond imaginition in years too come!! Just hang in there.
It's amazing you still remember all those things GT. Me too, I still can remember those few names that created so much humiliation to us at that time. But for now, just keep it for myself. I think both of us knows them.
Maioh amat utai di kerja sida seniors ngemedis ke ati maia nya. Jauh ba dalam ati bisi ga nyimpan dendam, tang sampai diatu enda kala bisi peluang malas dendam. Sida ngajar kitai jai baka sida & influence kitai ngereja utai bakanya ngagai junior kitai suba. This is a chain phenomenon. Who to blame??
Rindang maca utai ditu.. Im late for meeting again! Shit man! Luckily im not the last one who entered the meeting room. Ehehe.
Keep on writing Aki. My key word of the day; Life Determination
KK, I have so much in this not-so-round lil' cranium! Believe me Pok..aku expose semua, from mandi telanjai di padang to black monday to missing bell to 7-up to no more 'paw' laban Pok to drunken fools to kolam ikan emas hehehe..boleh tak? Yalah, it really taught us valuable lesson. Haiya kaban, you know..all the fingers were pointing at us although we weren't nearby all. We couldn't convince anybody otherwise!!! so there it went for years. Don't worry..we have our turn katakan..arap ka sida 'higher authorities'..ex cikgu bah nemu specially that little monster Bapak almost pinned to the notice board! Those were the things that made men out of all of us!!Enough said kaban.
Post a Comment