Terima kasih mensia
Merunsaika selapat dunya nadai entara
Mai penerang enggau reti baru dunya saiber
Keluar masuk jarang bekelala
Terima kasih Indai
Laban pechaya enggau sayauka aku
Ari mit sampai besai
Nadai indai engka aku enda menuku
Terima kasih apai
Nuan pulai aku datai
Nuan bisi aku nadai
Nyadi peransang sampaka tuai
Terima kasih aya ibu
Berat rat mesan enggau jaku
Meri lalau meri tenggau
Kasih ke aku enggaika tebasau
Terima kasih Undup
Laban muka jalai pengidup
Urat rakat getah rengah
Enda dibuai meruan kejah
Terima kasih kaban belayan
Maya labuh jatuh terengkah
Malik ke kita meh aku wai pangan
Ngeliat angkat berubah belubah lubah
Terima kasih kami sebilik
Nama meh reti pengidup aku
Enti nadai kita ngapit ari sepiak
Enti nadai kita ngansak.
Terima kasih semua.....endu Puteri enggau endu Grace(hornbill)? laban bisi ninggalka seleka dua ba pintu dunya aki gelegundik menua sakai, aki gelegandak gerubi tuai. Terima kasih mega ditujuka ngagai semua kaban belayan kitai bansa Iban ke sempat limpang meraka simpang ngerunding pampang, ayan kangau ayas rekau tusun leka serebana.
Happy Thanksgiving...manuk kuluk segala ina is in the oven!!!
3 comments:
Apu, sigat gamal nuan Aki! Heheheh.. gaga mp3 awak ka kami ampit ninga nuan belagu ...
Amat landik nuan nusun leka jako iban .. I feel inadequate! :-(
Manok kuluk is in the oven too! :-) Happy Thanksgiving!
Hahahaa endun,
Aki gerubi mulaika pengingat lama hahah gambar aki gerubi agi bujang!!!
Kala ninga southern Iban rapper?!! hehehe enda ehhh..aki gerubi sigi rindu nulis enggau macha.enda nemu bakani nya tau lekat ba aku ...expensive habit..ngarika kitai Iban ..heheh semadi nadai meh nya enggau ngidupka jaku bansa.
southern iban rapper?! Intriguing! Gaga lah mp3 recording lagu nuan ka aku .. bisi ga lagu iban di dinga di menoa tu!
Post a Comment