Ari tuchung bukit nurun ke emperan landai
Ari ili ulu sungai sampai ke menua seberai
Bansa kitai mensia kitai
Besekula enda mega tinggal pemandai
Peluang kurang baka ke nadai
Bepangkat baruh enda bangat besai
Lumur dua lumur tiga udah chukup nyamai
Nampung kemayang dudi belama enda berasai
Bansa kitai mensia kitai......
Bansa kitai mensia kitai....
Pintar bejaku enda kurang pelandai
Taring pelanduk, pengerawang ati, bebungai serai
Pengelandik, pemintar, enggau pengering nama penadai?
Baka sibau lebat bauh rumbau bebungai!
Dipadah di tegah mali besai
Gereginsa tau gelegensai be-ila asai
Benasit nadai baka chuit nyemerang jalai
Merejuk kekejuk enda datai
Bansa kitai mensia kitai
Patah andau labuh basah nyemerai.
Bansa kitai mensia kitai.......
Agi idup agi ngelaban leka sanggai
Seleka penabur dua perawai
Nyadi terabai ngetanka menua kasih sayau ke kitai
Tu kelia menya maya Sekaut Buda Sarawak Rinja ko kitai
Di ujung mulut suah di puji sida Tuan Ribai
Diatu nama deh dikair ke tisi udah dikesai
Nadai apa nadai nama nadai pemanggai.
Bansa kitai mensia kitai.....
Angkun gila kuasa nyadi pemesai
Nguluka nembiak sida ke tuai
Landik belaya enda ulih begulai
Bepechah belah nadai pendiau tinggal tembawai
Numpang menua diri nyadi temuai
Kerauh kerawang mabu keranjai
Serebana merinsa tinggal bansa bukai.
Bansa kitai mensia kitai....
Kaya tabi basa mudah di pakai
Murah rega kupi sechangkir asi sepinggai
Dunga dunga duduk jenuh ninga bala Datuk betelai telai
Berambu menyadi bebakih emperian bula enggai
Lapa bangat bakanya deh ohh Tuan Besai
Ehhhh ka pan enda deh Gerubi Tuai
Semadi nadai...semadi nadai
Bansa kitai mensia kitai........
5 comments:
Nama utai ditulis nuan tok ...?
Pantun ke? tau ke ramban? tau ke sanggai? tau ke leka ganu?
hehehe...enda nemu utai aku tok nya meh nanya..
tapi bestlah..rindu ga macha ia.
Nama utai ditulis nuan tok aki?
Pantun? Ganu? Leka Biau? Tau ke sanggai?
Enda nemu utai aku nya kebuah nanya....hehehe
Manah amat rintai leka jako nuan nya...
Jaku bekarung kerubung ke datai maya untak gereginsa meh nya..Ka bepantun, beramban, besanggai, beganu , hhehehehe enda ga aki kita tu nemu ehh..
Terima kasih bisi mansa..nyah udah aku tukar setting ngambika nyamai agi
Sigi landik siko tu nusun leka jako Iban, encha ler geith!
Au, ah, nyamai stail baka tu, enda iboh nganti agi ...
amat stidi pangka jaku nn tu tuai..
sigi amat...
Post a Comment