Turkey day nyau ulih itung enggau jarum panjai jam begantung ngelaika sikin. Tu meh hari ke dikumbai urang menua Merika tu Thanksgiving, ngepunka holidays season menua nyentuk ka Taun Baru. Sari tu meh mensia di menua ditu begulai begempuru enggau diri sebilik. Laban ke nginjau menua urang alai ngidup kediri, nyau ga ngambu sari tu hari cuti. Urang ga diau magang enggai ga bangat nyadi kitai nyau gesah gesah ngereja tanah, enda pia?
Bakatu meh pelin kami saritu enggau pagila. Saritu meh maya bepandukka utai di pakai...hmmmm kenyang aku tu lagi ..ngempat kerat nyubit mimit..Pagila baru begelumu begempuru makai begulai. Laban ke endang Iban, lain mega asai nyelat bansa bukai ehhh. Asai ulih betundi enggau bala anak, bekuntau enda lama aja bemain di luar besipak ka bul semadi nganti maya perugerim urang bemain bul dipansutka telebisin besatelait. Dunga dunga meh meda nganti moa hari petang malut remang ngelengka ke siang ngelaluka malam. Murus gumpal perut enam sapar enggi aku tu ngetatka pengenyang diri ....akai daiiii. Ngirup enggau urang ga enda, ka pen enda nuntum ai kupi chelum keretum!
2 comments:
Apuuuu ... enda teranti neh asai betunga enggau manok kuluk!! Hahaha, rindu aku macha tulis iban nuan, EAS.
Manah nuan nemu meda main bul orang ditu. Aku enda nemu reti main bul orang ditu! Amat sakai! Heheheh!
Aisey, pedis endar ga nye be-anti ka approval! Pasang aja verification code, enda nuan kena spam.
Post a Comment