Thursday, May 04, 2006

Menua Ulu Menua Ili Palan Aku...

Udah nasit udah selatan lumur berapa tu? Ahhh nevermindlah...just numbers! Lenyau kaling lenyau tawing; lenyau penakar lenyau pengajar meh asai tudah diri. Dini meh alai aku bepanggai maia rindang suntuk tusah asai? Deka ngarapka tudah ini enda ga ulih laban tudah tuai iya enda bepengerai mega, and there I was chepai chepai baka ti rarat nyemerai di bai ulak sungai lemas enggai, baru deka ngabiska peraimeri five. I had a friend though. Tajapan bakanya, tusah ehhh naka penusah laban tudah wai Lagak pan timpang laban ti bangkal enda ninga kensung nyumbuh bujang, benggal enda ninga lalai telai indai urang. Bakatu meh serebana dalam ati.

Nadai apai benasit meruan indai tajapan aku mangkin sari mangkin besai tuai enda berasai. Terubah iya diau di Simanggang endang berasai puang laban ngasaika diri kediri diri mayuh urang dikelala kelebih agi diri serambau. Urang ti dulu dikelala nya pan bala kaban tudah indai enggau kaban Chom ti sama sama begulai enggau tudah Chom sekula enggau ngajar di Munggu Sabun...assss apai kemaya meh tu bisi kaling serambau di menua ili ko jako ngenang diri. Enda nyamai pulai ke menua nepan bas lumur sebelas ga laban di menua ulu din endang maioh bala serambau udah enggau bekelala.

Diau begulai enggau indai tu bangat jauh nyelai ari begulai enggau aki ini. Begulai enggau aki ini hahhhhmmm munyi ko sanggai ribai..I could get away with murder! Tudah indai tak nadai beleman deh laban bisi rutan wie danan sedepa pemanjai. Enti kelia dikumbai kitai, laban ti agi nembiak, mangah meh orang tuai. Diatu ahhh disipelin ko kitai! Semua utai nyau ngena jam magang, maya belajar, bemain, mandi, makai, meda tv, tinduk, dani semua betaimtibul magang. Akai daiii..this was in 1975-1976!!!!Laban ti lubah ngelala bala, malu meh asai nya laban ti ari menua ulu nemuai kili, pengerindang diri endang meda TV putih chelum meh. Enda berasai ga tekait ati meda urang bemain ball ba TV. Sigi Manchester United enggau Liverpool aja aja di sukung maya nya laban ti tekuing ati rindu meda Steve Coppell enggau Kevin Keegan ahhh.

...deka ditangkir baru..

No comments: