Friday, May 11, 2007

Mulai ka Pengerindu......

"Nuan tu ila dini deh deka maju dalam pelajar," ku bala kaban sekeda ti di menua kelia. "Ngirup ka, bemain kelalu, PENGINDU, berani ngelaban, essss nadai utai dikenggaika," ku tudah indai serbana; ukai serbana ngapa tang serbana sayauka anak diri ti siku sebatang kayu; kediri belayar kudi; leka mata dua igi peli peli pending ridau penuh tuli. Di peda ditela naka penyai laban ngembuan nyandang ulah ti tau nyuruh malu enda anchi anchi. "Nama meh penyadi sanu tu ila neh aka? Nadai nemu enggau meh tang tajapan bakanya, iya ngembuan pemintar ti pemadu, jarang utai enda temu iya siku nya," tu meh leka sada ari pengirau dada tudah indai yak laban nangika ulah aki gerubi ti nadai utai dikenggaika ngerampit nyerarai ngagai bala ti dudi mimit baru nemu enselit mansa ijap bubu jarang. "Anang tusah ka aku meh kita. Bisi ipak aku ila deh. Ahhhh kitai tu sama mensia deh, sama sebaka bedarah mirah nemu besembur sumpah- sama makai asi nyadi tai; ngirup ai nyadi kemi," ku tudah saut aki gerubi laban ti enggai jenuh mulut kimut kimut baka kandut gumpal tuai; mulut ga ruyut ruyut lanjut ngeruyut tisi pemanggai. Mulut binsai enggi aki gerubi kerah kerah barang penyinggah beribu bungai. "Nagang diri meh dik Bee; anang nitihka ati ka. Anang tak meda utai nyamai ulih lalu japai," ku pesan indai yak aku kelia laban ti nemu agi bekalihka jaku enggau nyeruri nyadi sabar lalau ransi. Kaban belayan bukai pan munyi tu meh kelia, sekumbang aku ti udah mawa di menua Miri nyandik titah anak sekula Tanjung Lobang. Hessssss belubang ga pikir aki gerubi tu suba.

Nya meh, di belakang kerubung pala ti ngarung untak nadai benama lapa enda ingatka lalau tesau pemegau mensia. Kitai ga sesama mensia..bah kati ku enggau enti ati udah limpang deh? Udah limpang kena terajang pengerindu ti suah nuntung ngejungka semaya balang? Ahhh indah aku tu anak lanjau ari tansang sarang tudah indai enggau apai maya seduai betemu maya bebachaka bup buku ensera keling enggau kumang lebuh seduai iya ba bangku sekula kelia hahahaa..Nadai ga aku nanya bakani ku bala sida kelia hessss nemu ka sida iya diting dibaruh pun engkeranji madu hehehe! Tajapan pan kitai mayuh kaban mayuh pangan, pengerindu ke siku aja. Bakatu meh penyelai pengerindu ti dikembuan aki gerubi dalam ati ke endu siku tu ari pom lima kelia nyah nyau deka abis pom enam tu. Nya meh kitai ga sama mensia...ahhhh iya sapa ti ngaru maya gatal; sapa ti nyudu negu maya kenjar! Tu meh maya aku begulai bepangan enggau siku endu ari Sungai Rian, menua Sarikei..tudah endu ibu ini gerubi JRD tu tak serumah enggau kaban lama ti begulai enggau aku maya sekula junior baru enchelak baru ngelindak ga! Betuah benasit ga tudah aki gerubi laban enti nadai iya aduhhhh naka pemerinsa sekumbang ti udah dibuai ari buding. Tu bisi ga urang nulung berapika kami, bebasuka kain baju aku maya ujung minggu. Yeap buddy, pengerindu penyayau aku endang ke nuan siku. Naka mega pengasih aku ke nuan laban pemedis aku di sandang nuan mega. Enti nadai Siti Khatijah kelia enda meh nuan pedis deh pangan. Siti Khatijah tu enggai enda luba luba nemu deka nyerara tua..hessss engka iya jilis meda diri ti nadai tawing nadai urang ngembing maya bulan terang pegari kini!! Meri besai terima kasih keterubah iya JRD...deka disambung enda lama agi.....

7 comments:

Anonymous said...

pama dik suba aki...taja sibau rumbau..

Desmond Douglas Jerukan said...

Hehehe...anang ngenang agi boss... pulai aja kitu Gawai tu betemu enggau semua ging ging nuan... anang nyadi gengsta udah...pulis benung namngkap apai bayat dit menoa sarawak

GerubiTuai said...

Lampupicit: Sigi gaya akih.

Igat Des: Congratulation first and foremost ya. Akai daiiii enggai aku nyadi Gengsta ahhh enda alah tangkap pulis. Ka nyadi YB tu igat..ahhhh Yang Benar aja bah hehehe. Selamat Gawai Dayak nuju kita menyanak.

Anonymous said...

sayau semaia balang,enda pia kaban.Bai main bol ngambi badu ngenang agi.Galur

GerubiTuai said...

Galur unggal: Nya meh bai main bol enggau bepaluka bol hockey enggau mantupka diri neh..Semaya balang meh nya tang enda ngawa kaban..cherita lama ehhh.

Unknown said...

Aki Gerubi,

Tu aku nemuai baru, nyengok masuk pintu Dunya kenang rembang mansang rambau angkat rebak bujang dulu kelia.....

This part of your story is deeply embedded in my memory too, for I knew about almost all of it, especially the situation at that particular time... too well.

I shall not add more comments to yours with regard to this topic because the subject was and is a pretty decent, adorable (and married) lady. All I can say is that she is now doing fine ; a normal regular working somekids' mother, somebody's wife...having the typical happiness & frustration, the ups & down like any other 'normal' human.

I am sure if you meet up again, in this case as in any other "Fired-Up" or rather "Cooked & Served" Non-Marriage-Ending-Relationship, the "Spark" would still remain. That I am certain despite all the years between then and now !

That last sentence is based on personal experience & observation. At this particular point in time, all those pretty girls that we knew back then are so "Polished, Well groomed, Matured Mid-Aged Lady." Those that took care of themselves well are really and actually more beautiful or prettier than they were back then. More so especially those that have the means. It would be a lie for any hot blooded men to say that they are not tempted, especially so for those with Cooked & Served 'NMER's !

Well, Aki Gerubi its cerita lama but that does not mean ones could not cherish it, like you do, for it enrich ones memories and induce confidence for ones future !

Naka tu dulu aku.

GerubiTuai said...

Darnnnnngggg Joe..can't help but reply meh tu. Thanking you one more time kaban. Hahhhaaa peneleba means more than that screamer by the quartet..the Beatles..' she loves you yeah yeah yeah' enda pia kaban? Bedau ngelangkah garis entara nya enggau kaban kitai siku tu aku kaban. Enti ngetu ba Enchaluk dia, say hello.

You be good kaban.