Junuk junuk baka imbuk rajai patuk meh kami sebala ti udah di buai ari langkau rumah panjai anak sekula bejalai niti rangkang, bejalai ngejang meh empuna punai ngelayang terebai nadai sarang. Udah nasit udah selatan penyalah penimpang ukai enggi urang. Enda ransi mali kudi tang begedika diri laban ti nyelai ragak riang. Patut di rumah dititah gelar temuai mansa pala tangga engkerutak tanah laban mulut ti balat kimut kimut mata melut dilah bechabang. "Where are you staying huh?" Ku bala sida endu kumang ati penyayang, ku bala sida lulung batu nakung lichin menandang, ku bala sida igat empanyat nyumbuh bujang, ku sida wat kedumbat raja tebilang. "Enda nemu meh tu lagi..ahh deka pan diau enggau bala kaban belayan ti udah diau mendam enggai ga nyadi laban bala tak udah ngentak beranak bebuah pinang..dini alai ngelalaika mua enda malu bekuyu timpang ngeli ga rabang??..meda baka meh," ku tudah aki gerubi beseriri ngenang. "Ahhh kelak ko stay ngan aku kat Merpati," ku jaku tundi tudah wai pangan endu Jackie Ajang mai bala chapuh nyau bepuruh mua begumpal dada ketawa baka ti menawa. "Nama upah deh," ku aki gerubi ngelampat nanya hahahahhaa. Tu meh mula mula aku meratika mua bala ti mantaika pengasih penyayau sida iya ke kami tajapan sida iya enda bemunyi nyelaik ngelali.
Tu endang amai pedis ila ku kenang dalam ati laban nadai perabung ulih nudung; nadai tikung alai nukung; nadai pandung alai engkutung. Aki Gerubi enggau kaban siku ditambah Pok Stanley ari Upper Sixth A Three ahhh dehh tak belalai sebelah nya apa peduli ku kenang dalam ati. Tudah Pok Stanley bisi selit kerupit surat saspindit(suspended) laban ulih ngapil udah timpuh ngelebuh bebuai keruh. Sida bukai pan bakanya mega tang enggi aki Gerubi, Bapak, enggau King Kawi aduhhhh ahhh convicted for life! Amai amai unwanted elements meh kami udah tu dehhh. Akai daiii ukai besai beledi alai ngelalaika mua! No worry lah udah nasit kami. See ya here, there, and everywhere we might be lah tang meh aki Gerubi mengkang rinduka GP enggau World History. "Let's not worry but study study we laban peresa deka datai tiga bulan purnama besilih ganti enti ngitung ari May 1983!
Enti ngeletak maya anak mensia berundingka pejalai serta pendiau diri siku siku dudi hari, tu meh pun belabuh bauh pilak kerembai bungai peransang. Ari pemedis enggau pemerinsa ketegal ulah diri empu; ari pengawa menawa di gaga diri empu. Tu meh utai ti dikumbai urang putih raja ribai beperintik kulit beluai, 'To Make or To Break' . Teresa kelansa pendiau dibuai bakatu nothing new to aki Gerubi but for the rest enda meh aku nemu laban ti nadai mansik nyidi enggau silik. Kasih meh tudah indai laban ketegal pengawa digaga sida bukai ti nanggung nyan ngesan pemedis enggau pemerinsa. Sida bukai pan bakanya mega, apai indai kaban belayan ti pedis laban bala kami ti agi mekang kang tesungkur besugang alang alang baru nyumbuk bebungai lalang. Ahhh bendar meh bala kami belalai ngiga asai laban bedau bulih tempat alai neduhka diri; bedau tetemuka tulang perabung beratap mulung alai ngelarika diri ari leka ujan nyala nyuruh pedera, ari kemayang bintang nyuruh siga, ari panchar panas nyuruh lela. Mandi muai daki pan nyau ligau ligau ngiga danau baka jelu rangkai musin kemarau. Asss apaii..aram kitai nyemerai ba tangki Cendrawasih, Rajawali enggau Kenari!!! Hesss enda ngenusahka bala nembiak bukai? "Hey you, all these places aren't for you! off limit. I don't want you to get caught again," ku siku Cikgu. Nemu nya kasih, nemu nya enda peduli, nemu nya indifferent laban ti udah makai gaji..enda nemu!! Ari semua, semina bilik alai belajar aja ti ulih gusung bala. Sigi ga merinsa the first few days. Deka ngusung ngenduhka diri ba kaban belayan ahhh ngenusah urang aja, dini alai ngelalaika mua? Nyamai baka apek bayat for the next few days...something good will come.
Tang meh bala kami benasit laban ti ampit begulai bemain sipak raga lalu bekelala enggau siku anak mensia ari Luak ti bekerja enggau Marine Department. "Ko orang, mun mok lah, boleh diam kat rumah aku sinun...kosong rumah ya..aku sik jua diam sia," ku tudah kaban. Aduhhh Man, terima kasih ya. Immie, we owe you one.
4 comments:
Dah Pom 6 nuan diatu! Wah, lama aku enda kitu!
I find it amazing how well you remember the events of those long ago years .. come to think of it, more than a half a life time ago!
Keep it up!
P.S. I loved GP too but hated World History! Joseph Simon was our teacher, and what a bore he was!
Endu D: Udah ahhhh nyau deka peresa pom enam kami tu ahhh...duduk meh kejungka lama enda mansa hehehhee..
Yeap..many many moons ago but I remember most of them laban it created sapa aki Gerubi of now lah. We have to start somewhere amai enda. This was the very place for me eehh.
I loved both GP and World History ehhh..enda rindu Geography ehhh. Hmmm when I came over, Joseph Simon was on his way out to take higher post at SMK Lutong. All our teachers were hmmm montel montel cantik molek fresh graduates ahhh..ni enda mata kenyang belama..abis salah seliakka lumur lambar bup bala keda hehehee. At the same time, sida tu senang dikelipui bala..suka ati nembiak sekula aja!!
Hi Aki, nama brita nuan? Kati gaya kita ti kena tornado tu tadik? ngarap ka kitak menyanak nadai apa nama meh au.
Endu Mag: Manah berita kami ditu. Enda kena tornado kami. Nembiak pan manah meh pendiau other than agi nembiak. Apooo nehh pia meh ..anang rawan datai nyenguk ahh. Hahaha nadai orang di Kuching meda kitai deh.
Post a Comment