Friday, October 27, 2006

Bepilih Tuai....

Ngelama ti udah belajar di Tanjung Lobang, nyau deka tiga taun enggai..ari ti biak rembak munyi pelandai mugan baka danau tungku duduk; lalu lelajang baka tapang enda ditatuk; serarih baka sirih enda di juluk leligau yau yau lelinga ya ya ensepi asai udah tuai ngentupang nyadi tangkai ahhh sigi baka sepi asai laban mangkin sari mangkin jauh singkang pejalai. Enti semua utai seripih serarih nyengala rintai; enti tanya pinta lasit berumban datai engka enda mega pediau dunya mayuh kelukih beragih baka renggat cherita wayang tukih. Nya meh ulur simpul jaku kenang pejalai bala nembiak sekula ti lelinang terang berandang nadai nama diatu dipaduka nyadi tuai pemesai sekula. Haha ku jaku sema..somebody has to start somewhere..make no mistake about that. Hahahh nama nya tak munyi apai saloi berimba kampung puang; munyi apai sali nempapa bejaku enda chamang chamang! Selamat datai ngindik menua ampit buya mini-Sarawak Adi Badiozaman Tuah..ever the merciful-the compassionate soul. Bepilih bepilih nganchau tikai bebuka tirai ngiga tuai ti tau megai laban bala sida pom enam atas udah ngelui timpuh udah nadai maya seminit masa bekiraka peresa di deka datai just around the corner ku mensia lalu ditagaka mayuh ulih nyenguk university sebelah menua Malaya..beberita mai pemandai pulai ke menua dudi hari enda lama agi tu ila.

Aki Gerubi sigi mati idup enggai enggau urang kiruh bepilih, laban 'nadai guna' ku runding diri ti jauh ngembuan penyelai. Kelejuang meh asai maya nyaut madahka diri enggai...nyamai merati ari tisi enda ibuh enda kiruh nitihka singkang urang ari belakang nyadi kemayang. Merening ke belakang, maya bisi di beri peluang meda TV laban perugerim datai terus ari menua Spain, duduk berimbai enggau siku tuai bemain bul di Tanjung, agi lengap lengap kesap kesap udah meda B. Robson nyipak bul masuk gul ti pemadu tumu..27 sikin udah bemain asai aku..ti nyadi rikud ngelama udah mangkuk dunya di petandingka, maya Ai Ngelan numbangka menua Peranchih tiga-satu..bisi ga tudah Hasbi nyebut sapa dipaduka nganti iya nyadi pengarah bemain bul sekula! Enda ibuh deh laban agi lama ku jaku..enggai kiruh laban disempulut kacha talibisin. Enda mukai mukai, ujung taun 1982 aki gerubi dipaduka nyadi pengarah bemain bul sekula. Semadi nadai kini ehhh bisi meh nya nyadi kenang dudi hari laban bisi diselepitka tuansipol ba setipikit berenti sekula! Apoooo neh pama ga bala ti manchal ngembuan penatau ti pemadu..ngelaban munyi enda belanggang..Bala kami ti di lunsin taun 1981 laban ti tangkap nginsap tak di bai ngeruh ai...hmm udah ga keruh akai dai sigi naka pengeruh ai udah tu ehh. Aki Gerubi nyadi pengarah??? Ali Omar nyadi sapit pengarah? hmmm bakani meh gaya tim sekula tu ila! Dipilih nyadi pengarah main Takraw tudah Nordin Ahmad ti dikumbai kami 'Bapak' laban nyengala pemesai tubuh siku iya....ehh nama aki gerubi nyadi sapit? Apin Pauzan ti diberi ensumbar 'sitan pendek' di paduka nyadi pengarah main hoki..aki gerubi nyadi sapit? Apoooo..besai amai utai di sandang tu ila deh...responsibilities punya responsibilities. Ka pan enda, di asurka bala. Bala ti tatau bukai pan benasit sama. Sapa meh ti nyadi ketuai menteri hmmm tau pedis pala ila lusa. Sazali Suip, Lukas Jengka enggau siku dua ti bukai dipilih nembiak nyadi pengari nyadi menteri. Hmmm tudah John Temaga meh dipilih nyadi ketuai menteri sekula.

Tu meh gaya sekula Adi Badiozaman Tuah ngelama iya udah masu nuchi kaki nempungas mua nyadi tuansipol Tanjung Lobang. Sigi pama 'tok janggut' siku tu. Laban endang baka kami nembiak sekula mega, tudah tuai iya semina nginjau Tanjung Lobang alai nelebaka diri ngempung megai bansa. Vision(s)tela binsai perasai commended tok tuansipol! Ku kenang bala kami ti agi mata, muda bebau lia kelia..tuai siku tu sigi bisi juluk ati bemain pelitik laban gaya chara iya . Maya tu mega kami sebala nyau berani bentaruh entaruh, laban ku bala keda, enda lama agi tuansipol siku tu deka ditarit nyadi Pengarah upis pelajar nengeri deh?!?
"Memang nya tok jadi Director kelak...sapa mok bet???," ku Apin deh. HMMMmmm endang gaya laban... Ari tu meh kitai beratika siku siku kitai mensia ti ngembuan juluk ati naka peninggi megai bansa. What environment deemed more conducive than an institution such as sekula? Di kumbai micro management tau meh nya..peritis makes perfect, enda pia? Tu meh siti ari kengka jumbuh utai ti dipelajarka penyuah ngemataka ulah atur chara siku siku kitai mensia. Pengasih serta penyayau endang sigi nuju bala sida aya LMUning ti udah regah regah bediri nyadi ketuai pelajar sitak menua..lapa meh sida tu lalu enda di asika, dipaduka nyadi pengarah pelajar nengeri? Lain mega munyi kenang..bah lapa deh? Sigi bisi deh mimpi nyadi dudi hari..tau peda tau tela..tau titih tau kalih..tau ubah tau bantah enti jaku bangat salah nyempelah meripir tingkah! Kediatu, aki gerubi semina ari tisi ngenggam jari nyadi pengari dipilih bala mangku pengawa ngatur pemujur lumba enggau main sekula.



Did I hear my name? Engka aku tu bemimpi kini!

6 comments:

podgykat said...

Hey Gt, whatever our experiences were in Tanjong Lobang country-it sure makes for a lifetime of memories eh!

GerubiTuai said...

Podgeemaam, yes maam indeed. A window to the world indeed. Some stuff we just couldn't erase ehh. I'll put a lil' 'keroncong' flavour to it next time lah. Lower sixth was a breeze.. the 'honeymoon' was so quick; however, I wouldn't have done it any other way! I realised now, a little blind then, why people did what bla bla bla..before. We do everything with some sort of reason behind it!

Bestest.

podgykat said...

Finally, after such a long hiatus, Henry makes his appearance on my blog-but I still can't catch his iban pumpkin joke-maybe you can explain? Or maybe I'm still in raya goodies induced stupor that my brain's still in sluggish mode.... Haha.

Yeah, sometimes in life, we need/want to learn in our own way and time then it becomes a more valuable lesson. we tend to appreciate things more that way too. Different strokes for different folks, eh. Good days GT.

GerubiTuai said...

Hah..something to do with here and there? I am not good at all with jokes..hmm pump kitu!!

Ya lah, different strokes for different folks...mine included.

Cheers.

podgykat said...

And I gotta tell you I like listening to country songs;just that many of them makes me wanna cry. Haha. I'm hopeless. That's why, most times, I avoid. You, enjoy.

GerubiTuai said...

I have been since I was little. Aduhhh jangan nangislah kak!! cepat tua kelak ehhh. I hope you enjoy 'I'm gonna be somebody' lah. I'll attach more next time lah.
Got up abruptly this time of the night(morning) under-the-weather symptom creepin' in!! Normal for me this time of the year.

Cheers.