"Dini nuan nampung pelajar udah result kita pansut tu ila," ku tanya uncle aku siku ti benama Thomas Laman ti begaut ngembing aku maya betemu ba pasar Simanggang. "Eh..apai tuai..nama berita? Kini ke tuju pejalai nuan tumu amai pagi tu," ku aku ga ngelaungka diri ari tanya tudah. " Sigi nurun aja, lagi udah mummy nuan ngetu tengahari baru aku limpang ngusung iya ke rumah, aram enggau aku enda lama," ku iya nyaut aku. Apai tuai aku siku tu meh ti seruran berani meri jaku ajar dini dini alai betemu laban penyentuk ati iya ke pengawa pelajar kami sekaban. "Muyan agi matrikulasi meh diatu..Lubon agi dudi mimit ga nya..bendar meh aku ngansak seduai iya," ku tudah tuai ngenang bala anak iya empu sambil nyirut ai kupi ti agi berasap. Nyau tinggi mata panas, udah bebelika suratkabar, nyau ga aku ngansak iya, mai iya bejalai kaki pulai ke rumah. Nyamai deh laban bisi auntie Nora enggau auntie Molly bisi berapi di rumah. Mummy enggau apai tuai Thomas sigi nadai randau bukai deh..randau sekula anak dulu baru berandau ka utai bukai. Randau sekula tu enda tau enda pansut tiap tiap kali bala sida menyadi, sida sekaban duduk betunga enggau pangan diri. Tu meh gaya apai indai ti bendar bendar besai ati beraturka pelajar anak. Tudah aku..hmm iya ga nadai pengawa bukai, semina betundi enggau bala auntie di dapur deh. Mayuh kelukih bala kami ehh..mayuh utai ditanya urang. Munyi ku sempama jaku, nyau datai di gentung gelung raya utai ditanya deka diperunsaika sida iya..Tudah aku tak nadai kakang deh madah, nyau nadai utai diselalaika agi.
"Peda nuan anak Tra siku ti enggau aku ditu..mati idup aku enda nyuruh iya ngambi aliran Bahasa Malaysia..siku iya da ti agi tinggal ngambi English..ke bukai huhhhh dipasukka apai iya ba BM magang..nama penyadi nya ila. Enda nyadi nembiak sekula nyadi guinea pig pilot programme sida iya..bla bla bla..." ku tudah mummy besekang penemu enggau apai tuai Thomas ngenggaika penatai Bahasa Malaysia nyadi jaku penatai penuh dalam sekula. "Aku sanu ..munyi nitihka penemu adi siku nya meh..aku pasukka ba sekula Bahasa magang laban tu meh jaku ti dikena kitai nyengulaka anak diatu," ku tudah apai tuai ga. "Nadai nyadi nembiak sekula enti enda nemu English...bla bla bla," endang munyi letup ratai mansau enggi tudah indai ehh. "Sanu enda ibuh laban ti deka dianjung ke overseas..endang English," ku apai tuai ga ngelimpangka tudah indai ti enggai badu badu, tatuk ngenang English enggau Bahasa Malaysia tu tadi. Kami ti di dapur lalu majak beundi nyau bekerakah ketawa. "Meda baka meh sanu, lembau ngarap ke sanu (nyebut nama aku) laban ti mayuh ulah, semua utai ka, nadai utai dikenggaika, alah laban main ..masang majuka pemanchal," ku tudah mummy. "Enti iya pil ila dia aku ngantung iya deh sanu," ku sambung indai bejaku nunjukka engkerarin datas pintu penama besai! "Nadai nemu ngarapka iya nya belajar jauh entara tasik ari kitai. Kada enda lebih agi," ku mummy irau ngenang. Tudah aku enda bemunyi deh..tama ke bilik lalu macha suratkabar garing garing atas katil. Puas bebachaka berita, hmmm nyau mega nyerungkai ngumpul kengka surat di dikirumka bala kaban, JR Dana ari Sarikei, J. Saga ari Sibu, L Yong ari Penang, the Jones ari Kenada, Svetlana ari Yugoslavia, Maxwell enggau A. Maxwell ari Betong. Tu meh enggau diri merindang ati maya sunyi nganti pemutus penentu MCE. Musin buah, enti nadai bemalam di menua nyau ga dibai bala auntie pulai ngagai rumahpanjai sida di San, Sri Aman.
Lemai hari bemain bol enggau bala anak polis enggau bala polis ti gagit deka bemain mega. Enti enda bakanya, nyau nurun nuju padang di baruh gerija Munggu Sabun bemain begulai enggau bala Melayu ari Kampung Tengah enggau Stawang..hhehehe begulai enggau bala sida Jali buntu, Gilbert enggau William Peter ari Kampung Resak..enggau bala ari Padang Bilun/Sabu but nothing beat bemain enggau bala polis laban bala ti deka betundi begagai lemai hari serta bemain enggau bala ti bekalala ari pun masuk sekula sikinderi.
Nyau chukup maya result peresa MCE pansut meh udah nya..hmmm..berasai enda nyamai ga ati. Tak dikumbai ngesal enda ga ngesal tang meh laban naka pemayuh tanya dalam kerubung pala ti nyuruh enda nyamai ati. Tajapan nadai tentu belajar tu tadi, aku ngasai serta nemu diri pas. Tuju udah ditemu result tu ti bedau temu sekali laban bisi dua tiga pusin kuing jalai ti tau ditengah. Laban pemanchal, bisi nya berita ti nyuruh entap di St. Thomas, Kuching. Tanjung Lobang was out of the picture for the time being laban enda ulih jaga ku urang tuai ga. Bisi ga berita tudah indai betukar tempat alai kerja ke Miri! Hmmmm tang enggai ga nyadi laban nadai urang ngundang utai dimenua. Hmmm pansut meh result..apooooo..laban BM ti enda kredit aduhhh nyau bekalih tunsang result aki gerubi! Bah lah..akai dai ukai main main leka meriam munyi bum ari perang pantai Normandy! Udah nasit..udah selatan ku kitai..So...what's next? Where to next? How to next? Overseas? Nadai jalai ku indai laban bedau nemu nyaga diri! Enggai ka nyau baka ulat bulu hehehe..I'll be good..I promise ku jaku.
2 comments:
Dah datai ba renggat nganti pemutus peresa MCE pia cherita nuan? Hehhe, sorry laban lama nadai ngabas.
Nuan sigi landik betulis ka cherita ngena jako Iban .. endang selalu rindu ma macha cherita nuan ditu.
Bah, ni maya nuan ka ngabas kami ba California ditu? Kami menyanak pulai ka Miri early next month. Bulan satu taun baru ila baru kami pulai baru ka California.
GR, apoo neh..nuan bisi ga bakanya asai? Hmmm mujur meh pejalai nuan enti pia deh.
Entayang, ke terubah iya, meri tabi basa serta selamat betemu nuju nuan. Terima kasih laban ti bisi nyenguk. Perati aku, kelia mayuh apai indai tak semina andal laban anak ti pas pom lima..enda milih..diatu enda nemu laban nadai meratika. Suah ari ti beberapa, jaku apai indai mai penguntung. Kawan tu enda salah salah baka batang repuk rarat ngili sungai..tengelam pansut laban ulak!!
Endu Puteri, yeap..udah datai dia pejalai tu ehh..Terima kasih for the compliments..I'll take it ehh. Semadi nadai nya deh endu..rindu ngenang aja..
Lalu enda ulih angkat mindah kin kitu meh tu. Bisi meh ati deka nyenguk menua..mayuh ga pengawa ti deka di gaga di menua tang bedau ulih mindah. Pia meh, dulu meh bala kita menyanak nyenguk menua. Bai nembiak merindang ati.
Cheers
Post a Comment