"Kemaya meh ulih datai baru ngindik, nujah nengah tengahlaman sekula ti udah alai begagai nyau empat taun enggai tu ila?" ku tudah ga nanya diri maya ti ngepai pintu penama jalai besai terebai nepan MAS pulai ke menua ti benama Kuching. Nyau kin kitu meh bala anak runding ngiga tawing ti tau enggau begulai ngelantangka diri. Melelat nyau ngenang penyayau tekang mau ti tinggal, tang enda ngawa laban ulih betemu baru dudi hari ti deka datai tu ila. Nyau kepuas puas iya merening perenching pemajik gamal sida endu pengawas MAS terengkah ga bala kami di Lapangan Terbang Kuching.
Akai dai...berasai puang laban ti nyau beserara enggau kaling serambau sekula. Siku nyau ga mulaika diri ngagai Kampung Pueh, Sematan...siku nyau ke Kampung Taie, Serian lalu siku lanjurka Tebekang. "Kelak jumpa at my place," ku aku nelai bala. Tudah aku lalu ditabanka menyadi lalu di bai iya duduk...danggg enda ingat nama penama tempat alai belelak ba simpang besentang enggau rumah RTM, Kuching nya. Udah belelak lalu dibai niki ba Badruddin, tempat penyaga pengelikun mensia menua Malaysia, laban bisi utai di ambi. Datai di Batu Kawa lalu mukul talipaun madahka kaban aku siku ti diau ba Kampung Muda Hashim semak jematan besai di Satok din madahka diri udah datai. Ahhhh nama agi deh..sebut aja nama All Joy dia meh alai bala betemu. Nyau kepuas puas bejalai kekalat nadai penunga sebelah Elektra pulai ga ke rumah...
Lemai baru datai lalu di bai bala bemain ba padang Perumahan ti lalu bedau tumbuh rumput, nyau baka sepan pelangkan jani aduhhhhhh..nasit udah mayuh bala dikelala udah teleba enggau begulai alai tak nyamai ati mimit begulai enggau bala bukai bemain. Bemain naka pengeka ga tudah aku tu kelia!!! Bebitau bebayau meh pama udah petang jauh lemai. Mayuh meh utai ti enda menyana, enda menuku ditemu. "Give me a month," ku aku madahka Ambrose enggau Patrick. "Lelubah meh B," ku seduai iya. Tanjung Lobang tak seruran di kenang ari belakang belama.
5 comments:
booby,
Aku bisi nemu nuan datai, tang tua enda betapak berari..aku bisi ke Bintulu, Ke Kuching..nyau pandak kemisi..bedau meh betemu..ba Alabama kini jemah !!
Pbundop
Peter,
Aku bisi deka niki ba Purai tang enda sempat laban ti ngerumban jam deka pulai ke Kuching. Nadai ulih nginsit but few days aja..sempat semalam ba Sri Aman then back. Kelalu begaut beguai guai..utai abis tinggal di pasar Lachau!!!Unggal Neil aku lalu nadai sempat betemu..call iya sekali but nadai nyaut akih..By then, aku udah din ila, so ulih kitai betemu baru. Email me..aku nadai address email nuan agi!!!
Tuai, do you know where I can get hold of an English-Iban-English dictionary? Or is there one in the first place? I have an Iban bible which I purchased before it was banned - and of all things, for using the word "Allah" no doubt. F#@&king narrow-minded regulators...
Arty: Lagi aku nanya bala ba ruaikitai.com Enda aku nemu alai, but there has to be a place lah di Kuching..or KL maybe. Agi nemu jaku Iban nuan pia? Pieeeeee pama nuan. Ingat anak hehehe ribai I must say..enda nemu jaku Iban oiiii hahahhaaa..kidding with you lah kaban.
Dear GerubiTuai,
Aku naka pengerindu maca blog nuan tuk esp. on Kolej stories/experiences. Aku pun kala bersekula di Kolej (1989-95). Your postings on Kolej reminds me of some identical stories/experiences i.e. suspended from asrama, bad teachers/good teachers, "ngerumpak" koperasi, nikau batu ke rumah Pakcik Jet, membunyikan loceng dewan makan tengah2 malam (nangkap ketam beramai-ramai ba luak bay). And students which were considered "nakal/jahat & tiada disiplin" are mostly quite succesful at later life. Once again, nice blog. Cheers.
Post a Comment