Saturday, June 23, 2007

STPM 1983...Enda Mukai Mukai....

Nitihka padah orang ti pandai serta nemu mimit maya tu, peresa HSC(Higher School Certificate) tu dikemataka, dikemendarka serta dikeluarka Cambridge University. Laban menua nyau deka bekalih betukar, peresa perintah pan enda mega dikelaungka lalu ditukar ari HSC ngagai STPM. Nama udah nyelai, chara nyebut udah mega nyelai..oooohhh ku kami Higher School Certificate ngagai Sijil Tinggi Persekolahan Malaysia..apooooo lain amai ga didinga tajapan dikumbai orang 'sama sebaka'. Nyauh ni pengamai iya kami, laban ti agi nembiak..baru enchelak ringgak ringgak enda nemu utai enchukak, enda mega nemu laban ti baru nyepi isi jelu menua diri bakatu. STPM tu mega, kenu ku bala mensia, dikemendarka, dikemataka lalu dikeluarka Kunsil Beperesa Perintah menua Malaysia(Malaysian Examnination Council) empu. Dini deh bala kami sempat meresa serta meratika penyelai enggau penyama peresa perintah dua iti tu!

Beperesa perintah taun 1983 tu mayuh penumbuh deh bala. Bala sekeda ti udah abis peresa akai daii...nama agi dehhh..nyau betuntumka butul stout butul Carlsberg enggau Dry Gin ti asai ai bungai dikusuk nya. Bala ti agi beperesa nya tadi endang beremasin meh ngulihka diri ngichaka seleka dua penemu dalam pelajar ulih lekat di bai ngusung bilik beperesa. Enda mukai mukai ga penumbuh peresa perintah STPM taun tu..keterubah iya berita pansut ngirauka ati nembiak sekula. Nyau kelama lama iya ngira diri bakani deka nyendiaka diri beperesa laban nadai orang bukai ti udah alai betanya! Pengajar pan enda tentu nemu bakani ku nyamah STPM tu. Bahlah..pengirau ati nyadi pengamai laban berita ti ditaburka pengajar enda manah...STPM 1983 bocor!!! pesuk..belubang jarang ...Akai daiii bisi bala nyau ringat..bisi sekeda nya ransi tang ransi ukai jaku enti kitai deka nyimpulka ulah mensia udah ninga berita bakatu. Bisi nya nyau kimut kimut mulut nyumpah utai datai ba perut indai! Bala ti udah begawai nagaka diri udah tembu deka pulai tu tadi nyau betendangka baldi ti dikena mandi! Irau kedua kali meh bala mensia digaga bakanya. Salah sapa? Enda meh nemu..tang tunjuk lelaki aku nunjukka sida ti ngemataka peresa tu di seberai nyin ari kelia sampaika diatu deh.

Tu meh penusah kitai enti utai dipegai bala mensia ti bisi self-interest, nguntungka diri empu enggau diri sebilik ba nama nama pengawa! Keterubah iya lalu bocor!!! Kati ku baka deh? Ulih dikarapka nya dudi hari ila? Nadai kala bocor HSC ti dipegai Cambridge University sebedau tu kelia. Engka bala menyadi sida, kaban sida, anak sida bisi enggau bala kami beperesa STPM kini...besambung....

5 comments:

DCampbell aka Puteri said...

Amat munyi ko nuan, nadai kala ninga peresa cambridge bocor!

Pama bala keda, nyau ngirup stout, carlsberg, enggau dry gin!!

GerubiTuai said...

Akai dai endu..lama ga nuan enda nyapa neh!
Akai nuan ga nemu ari peneleba diri nyadi ex-Kenyalang deh ulah bala mensia pama udah abis peresa deh..enggau muai tinshen ku jaku meh nya..Udah MCE or HSC semua ulah pansut magang hehehe..even the best top ten students in Sarawak ti bisi begulai enggau bala kelia ampit guir guir nuntum 'begawai' udah beperesa!!! Yeap, STPM keterubah iya bocor. Tang bendar aku mansik history STPM tu tadi ti bocor..nadai diselitka orang dalam history, pengingat kenang, ahhh. ahhh lalu bedau abis pasal bocor tu..hurt us big time..specially students ari Sarawak maya tu.

DCampbell aka Puteri said...

Amat lama enda nyapa kitu neh! Heheh.
Aku day scholar, nadai entu nemu ulah bala boarders, mina ninga cherita org aja.

Enti ngira, since then endang selalu pen kes kertas bocor .. srp, spm, stpm ... nyau ka ninting taun bisi kes.

GerubiTuai said...

Apooo neh endu, nama nya suah 'bocor' bakanya neh? LCE, MCE enggau HSC enda kala aku ninga bocor. Bala kami kelia nyau begaru pala laban diberi lebih kurang seminggu nyendiaka diri beperesa baru..akai daii nyau betekasak bala. Bisi ransi, bisi ringat, bisi keda nyau nyabak tuai!! Bisi mega nyau nadai daya lalu semadi ngaminka aja meh masuk bilik beperesa kali kedua..ba assembly hall ti semak gelanggang Takraw kelia..deka aku tangkir cherita tu..enda lama agi ahh.

Anonymous said...

apo neh aki, aku pan sama ngasai bocor nya. maya nya aku resit 3 papers. sigi merinsa laban maya nya nadai disedia pemakai, nama deh mee nya enggau ngelapis gelung perut, udah nya bemalam ba boarding semina 2-3 iko aja, berasai takut laban petang malam enda dipeda ngacuk mata. Ukai baka kemaia tu bisi karan 24 jam.

Lebuh maca rintai sebana nuan nya dia pengingat pulai baru ngenang maya the final moments as student and frankly I was hoping for the best and I couldnt tell or have a clue the difference it makes, but it was nostalgic experience nonetheless.